ranjangaon-midc-police station
रांजणगाव गणपती (तेजस फडके) : कंपनीत माल पोहोचविण्यासाठी आलेल्या टेम्पोच्या मागील बाजूचा पडदा बांधत असताना टेम्पो अचानक मागे आल्याने रॅम्प आणि टेम्पोच्या मध्ये चेंगरून चालकाचा मृत्यू झाल्याची दुर्दैवी घटना रविवारी (ता. १९) पहाटे रांजणगाव MIDC परिसरातील ब्रिटानिया कंपनीत घडली आहे. दिलीप आत्माराम राठोड (वय ३४, रा. महागणपती हायस्कूलजवळ, रांजणगाव गणपती, ता. शिरूर, जि. पुणे) असे मृत्यू झालेल्या टेम्पोचालकाचे नाव आहे.
अभिजीत माधव मलगुंडे (वय ३१, रा. ढोकसांगवी, ता. शिरुर, जि. पुणे) यांनी याबाबत रांजणगाव MIDC पोलिस ठाण्यात तक्रार दिली आहे. रांजणगाव पोलिसांनी दिलेल्या माहितीनुसार, दिलीप राठोड हे आयशर टेम्पो क्रं (एम एच १२ टीव्ही २४१९) यावर चालक म्हणून काम करत होते. रविवारी पहाटे त्यांनी संबंधित टेम्पो ब्रिटानिया कंपनीमध्ये माल पोहोचविण्यासाठी आणला होता. कंपनीच्या डॉकसमोर टेम्पोमध्ये माल भरल्यानंतर राठोड हे टेम्पोच्या मागील बाजूचा पडदा बांधत होते. त्याचवेळी टेम्पो अचानक पाठीमागे सरकल्याने दिलीप राठोड हे कंपनीचा रॅम्प आणि टेम्पोच्या मध्ये अडकून गंभीररीत्या चेंगरले. पहाटे सुमारे ३ वाजता कंपनीतील कामगारांनी राठोड यांच्या मोबाईलवरुन टेम्पोमालक अभिजीत मलगुंडे यांना घटनेची माहिती दिली.
दरम्यान, या बाबतची माहिती मिळताच मलगुंडे यांनी तातडीने घटनास्थळी धाव घेतली. गंभीर जखमी अवस्थेतील राठोड यांना रुग्णवाहिकेतून शिरुर येथील खासगी हॉस्पिटलमध्ये उपचारासाठी दाखल करण्यात आले. मात्र, पहाटे सुमारे ४ वाजून १० मिनिटांनी डॉक्टरांनी तपासणी करुन त्यांना मृत घोषित केले.
या घटनेप्रकरणी पोलिसांनी अकस्मात मृत्यूची नोंद केली असून, अपघात नेमका कसा घडला, टेम्पो अचानक मागे कसा सरकला तसेच घटनास्थळी आवश्यक सुरक्षाव्यवस्था होती की नाही, याबाबत पुढील तपास करण्यात येत आहे. या घटनेचा पुढील तपास पोलिस हवालदार अजित पवार करीत आहेत.
रांजणगाव MIDC मध्ये कामगाराचा छतावरुन पडून मृत्यू; दोन महिन्यांनंतर कंत्राटदारावर गुन्हा दाखल
रांजणगाव MIDC मधील औषध कंपनीला २५ लाखांच्या खंडणीची मागणी; वकिलाविरोधात गुन्हा दाखल…
Video! रांजणगाव MIDC दहशतीत! कामगारांवर हल्ले आणि लूटमारीचे वाढले प्रमाण…
Video: रांजणगाव MIDC परिसरात शिरला बिबट्या…
मुंबई: राज्यातील दुष्काळाच्या पार्श्वभूमीवर शिवसेनेने यंदाचा दसरा मेळावा संकटग्रस्त शेतकऱ्यांना समर्पित केला आहे. गोरेगाव येथील…
धाराशिव जिल्ह्यातील पाणी, चारा टंचाईवर उपाययोजनांच्या प्रभावी अंमलबजावणीचे डॉ. राजेश देशमुख यांचे निर्देश धाराशिव: जिल्ह्यातील…
मुंबई: बॉलीवूड अभिनेता टायगर श्रॉफ याच्या गाडीवर आज संध्याकाळी अज्ञात हल्लेखोरांनी हल्ला केल्याची घटना घडली. या…
टायगर श्रॉफ गोळीबार प्रकरणाची गंभीर दखल; आरोपींच्या शोधासाठी विशेष पथके तैनात नागपूर: मुंबईत पुन्हा दहशतीचे…
३७ लाख २० हजारांचा मुद्देमाल हस्तांतरित; वाहनमालकांना दिवाळीची भेट शिक्रापूर (अक्षय टेमगिरे): गुन्हे, अपघात तसेच…
दातांचे आजार आणि त्यांच्या उपायांबद्दल बोलायचं झाल्यास, मुख्यत्वे दात किडणे (cavities) आणि हिरड्यांचे आजार (gum…