शिरूर (तेजस फडके): रांजणगाव MIDC परिसरात पुन्हा एकदा वन्य प्राण्यांच्या हालचालींमुळे कामगारांची सुरक्षा धोक्यात आली आहे. औद्योगिक वसाहतीतील परिसरात बिबट्याने अनाहूत प्रवेश केल्याची घटना उघडकीस आली आहे. बिबट्याच्या वावरामुळे कामगारांमध्ये भीतीचे वातावरण निर्माण झाले आहे.
घटनेची माहिती मिळताच सुरक्षा रक्षकांनी कंपनीचा परिसर बिबट्याची शोध मोहीम सुरू केली आणि कामगारांना सुरक्षित स्थळी हलविण्यात आले. वनविभागातील पथकही तातडीने घटनास्थळी दाखल झाले असून परिसरातील पगमार्क तसेच हालचालींचा तपास सुरू आहे. औद्योगिक वसाहतीमध्ये गेल्या काही दिवसांपासून बिबट्यांच्या दर्शनाच्या घटनांत वाढ झाली असून, कामगारांचे जीवित सुरक्षित राहावे यासाठी कायमस्वरूपी उपाययोजना करण्याची मागणी सर्व स्तरांतून होत आहे. रात्रीच्या शिफ्टमध्ये काम करणाऱ्या कामगारांनी विशेषत: सुरक्षा वाढवण्याची गरज व्यक्त केली आहे.
वनविभागाने कामगारांना गटाने फिरणे, आडवाटेने जाणे टाळणे व संशयास्पद हालचाल दिसल्यास त्वरित कळविण्याचे आवाहन केले आहे. परिसरात पिंजरे लावण्याबाबतही विचार सुरू आहे. लवकरात लवकर उपाययोजना न केल्यास रांजणगाव औद्योगिक वसाहतीतील उत्पादन व कामकाज दोन्ही धोक्यात येऊ शकते, अशीही भीती व्यक्त होत आहे.
View this post on Instagram
शिरूर तालुक्यात बिबट्यांसाठी कृत्रिम जंगल केले जाणार विकसीत; कोठे पाहा…
शिरुर तालुक्यात दोन जर्सी कालवडीवर बिबट्याचा हल्ला एक ठार, दुसरी गंभीर जखमी…
पुणे विमानतळावर प्रवाशांची गर्दी अन् अचानक आला बिबट्या…
Video; शिरुर; वनमंत्री तालुक्यात असतानाच बिबट्याचा दिवसाढवळ्या १० शेळ्यांवर हल्ला
