मलठण (सुनिल जिते): आमदाबाद गावाजवळ मलठण -आमदाबाद रोडवर झालेल्या भीषण अपघातात एका ३० वर्षीय युवकाचा मृत्यू झाला आहे. भरधाव वेगात वाहन चालवून निष्काळजीपणे समोरून आलेल्या दुचाकीला जोरदार धडक दिल्याने हा अपघात झाला. या प्रकरणी शिरूर पोलिस ठाण्यात गुन्हा दाखल करण्यात आला असून, आरोपी चालक फरार झाला आहे.
(दि. १७) सप्टेंबर २०२५ रोजी दुपारी ३. ३० वाजता आमदाबाद-मलठण रोडवर हॉटेल विश्व जवळ हा अपघात घडला. पिकअप (क्र. MH-42-AQ-5486 ) वरून जाणारा चालक सुनील कोंडीबा देवकाते(रा. , लोणारवाडी ,ता. दौंड जि. पुणे) याने भरधाव व निष्काळजीपणे वाहन चालवित समोरून येणाऱ्या परेमेश्वर माणिक माळी (वय ३०, रा. रामलिंग ता. शिरूर) यांच्या मोटारसायकलला (क्र. MH-12/JL-2155) जबर धडक दिली.
या अपघातात परेमेश्वर माळी यांना हातापायासह पोटावर गंभीर दुखापत झाली. तातडीने उपचारासाठी रुग्णालयात हलविण्यात आले, मात्र उपचारादरम्यान त्यांचा मृत्यू झाला. धडक दिल्यानंतर आरोपी सुनिल देवकाते घटनास्थळावरून फरार झाल्याचे फिर्यादीत नमूद आहे.या अपघाताची फिर्याद शिरूर पोलिस ठाण्यात दि. १७ सप्टेबर रोजी मृतकाचा वडील माणिक माळी यांनी खबर दिली असून आरोपीवर गुन्हा दाखल करण्यात आला आहे.या घटनेचा तपास पो. हवा. आगलावे हे करत आहे.
