नवी दिल्ली : सोशल मीडियावर लग्नाचे विविध प्रकारचे व्हिडीओ व्हायरल होत असतात. काही इमोशनल असतात तर काही मजेशीर. पण सध्या व्हायरल होत असलेला व्हिडिओ पाहून अनेकांना धक्का बसला आहे. कारण या व्हिडीओ सासऱ्याने चक्क नवरदेवाची लग्नातच धुलाई केली आहे.
व्हिडीओत पाहायला मिळते की, नवरदेवासमोर एक व्यक्ती हातात चप्पल घेऊन आला आणि चपलेने मारहाण केली. नवरदेव हात जोडून माफी मागतो आहे. ट्विटर अकाऊंटवर हा व्हिडीओ पोस्ट करण्यात आला आहे. नवरदेवाला मारणारी व्यक्ती त्याचा सासरा असल्याचे सांगितले जात आहे. नवरदेवाने हुंडा मागितला म्हणून सासऱ्यांनी त्याला मारलं, असा दावा या पोस्टमध्ये करण्यात आला आहे.
सासऱ्यांनी हुंडा द्यायला नकार दिलाच. पण सोबतच हुंडा मागणाऱ्या जावयाला अद्दलही घडवली. पण, हा व्हिडीओ नेमका कुठला, कधीचा आहे, नवरदेवाला मारणारी व्यक्ती त्याचा सासराच आहे का, ही मारहाण हुंड्यासाठीच झाली का? याबद्दलची अधिकृत माहिती हाती आलेली नाही.
वाह ससुर जी…दामाद जी ने मोटरसाइकिल क्या मांगी, पिल पड़े चप्पल उतारकर….आनंद लीजिए पर दहेज नहीं….. @mmanishmishra @sanjayjourno @Shailendra_Mona pic.twitter.com/WQdOtojc5r
— manoj pamar (@ManojPamar) May 8, 2023
