मुंबई: ‘बिग बॉस मराठी’च्या सहाव्या सीझनमध्ये रेशन कार्ड टास्कमुळे घरात तणावाचं वातावरण निर्माण झालं आहे. गोल्डन, सिल्व्हर आणि ब्राँझ अशा रेशन कार्डच्या नियमांनुसार घरातील सदस्यांना सुविधा दिल्या जातात. मात्र, या आठवड्यात नॉमिनेशन टास्कमध्ये सदस्यांमध्ये एकमत न झाल्याने बिग बॉसने संपूर्ण घरावर ब्राँझ रेशन कार्ड लागू केलं.यामुळे कॅप्टन आयुष वगळता सर्व सदस्यांना जमिनीवर झोपावं लागलं, तर १६ सदस्यांसाठी फक्त एकच वॉशरूम उपलब्ध झालं. या कठोर नियमांमुळे घरात अस्वस्थता वाढली.
दरम्यान, छोटा डॉन प्रभू शेळके याच्याकडून वारंवार नियमांचं उल्लंघन होत असल्याचं दिसून आलं. याच पार्श्वभूमीवर रितेश देशमुखने ‘भाऊच्या धक्क्यावर’ प्रभूला जाब विचारला. बिग बॉसने शेअर केलेल्या प्रोमोमध्ये रितेश स्पष्ट शब्दांत प्रभूला सुनावतो.
रितेश म्हणतो,“प्रभू, तुम्ही स्वतः म्हणालात तुम्ही २० वर्षांचे आहात. दोन आठवडे तुमचे लाड झाले, कौतुक केलं. पण आता तुम्ही लाडात आला आहात, उद्धटपणे वागताय, नियम मोडताय… आता बास!”
प्रभू शेळकेचं वय किती
प्रोमोमध्ये रितेशने स्पष्ट केल्याप्रमाणे प्रभू शेळके सध्या २० वर्षांचा आहे.या प्रोमोवर सोशल मीडियावर प्रेक्षकांनी जोरदार प्रतिक्रिया दिल्या आहेत.“फायनली भाऊ बोलले!”, “बरं झालं याला असंच पाहिजे”, “उद्धट वागणं थांबायला हवं” अशा प्रतिक्रिया नेटकऱ्यांकडून येत आहेत.आता पुढील भागांमध्ये प्रभूच्या वागण्यात बदल होणार का, की भाऊचा धक्का आणखी तीव्र होणार—याकडे सगळ्यांचं लक्ष लागलं आहे.
