संभाजीनगर: जर तुम्ही तुमच्या वाहनांना अजूनही HSRP नंबर प्लेट लावली नसेल, तर तुमच्यासाठी ही शेवटची संधी आहे. सरकारने 1 एप्रिल 2019 पूर्वी नोंदणी केलेल्या सर्व वाहनांसाठी उच्च सुरक्षा नोंदणी क्रमांक (HSRP) प्लेट्स अनिवार्य केल्या असून यापूर्वी 30 जून 2025 पर्यंत मुदतवाढ देण्यात आली होती, परंतु आता ही अंतिम मुदत 15 ऑगस्ट 2025 पर्यंत वाढवली आहे.
HSRP नंबर प्लेट ऑनलाइन ऑर्डर करण्याची प्रक्रिया (महाराष्ट्र)
1) वेबसाईटवर जा
https://www.mhhsrp.com या अधिकृत वेबसाइटला भेट द्या.
2) माहिती भरा
वाहन क्रमांक
इंजिन आणि चेसिस नंबर (शेवटचे ५ अंक)
वाहनाचा प्रकार (बाईक / कार)
मालकाचं नाव, मोबाईल नंबर, पत्ता
3) Fitment Center किंवा Home Delivery निवडा
जवळचं फिटमेंट सेंटर किंवा
घरपोच सेवा (थोडी अधिक फी)
4) पेमेंट करा
UPI / कार्ड / नेट बँकिंगद्वारे पैसे भरा
पेमेंट झाल्यावर पावती मिळेल
5) Appointment बुक करा
वेळ व दिनांक निवडा
SMS / Email द्वारे कन्फर्मेशन येईल
6) नंबर प्लेट फिट करा
केंद्रावर जा किंवा घरपोच सेवा मिळवा.
तुमचं वाहन HSRP सह अपग्रेड होईल.
नंबर प्लेट शुल्क
दोन चाकी: ₹531 (केंद्रात), ₹656 (घरपोच)
चार चाकी: 879 (केंद्रात), ₹1129 (घरपोच)
15 ऑगस्ट 2025 पूर्वी अपॉइंटमेंट घेतल्यास तुमच्यावर कोणतीही कारवाई होणार नाही.
हे लक्षात ठेवा
HSRP (हाय सिक्युरिटी रजिस्ट्रेशन प्लेट) ही भारत सरकारने वाहनांची सुरक्षा आणि ओळख वाढवण्यासाठी लागू केलेली एक अनिवार्य नंबर प्लेट आहे.
या प्लेटवर एक युनिक सिरीयल नंबर आणि न काढता येणारा लॉक असतो, ज्यामुळे चोरी, वाहन ट्रॅकिंग आणि इतर सुरक्षेच्या दृष्टीने ती महत्त्वाची आहे.
मुदत चुकवल्यास काय होईल
15 ऑगस्ट 2025 नंतरही ज्या वाहनांवर HSRP प्लेट्स नसतील, त्या वाहनचालकांवर वायुवेग पथकांच्या तपासणीदरम्यान नियमांनुसार कठोर कारवाई केली जाईल आणि मोठा दंड भरावा लागू शकतो.
