मंचर, (कैलास गायकवाड): धामणी (ता. आंबेगाव ) येथे दिनकर रोकडे यांनी संगीतरत्न स्व.दत्ता महाडिक पुणेकर यांचा तमाशाचा हुबेहूब देखावा साकारून महाराष्ट्राची लोककला जपण्याचा प्रयत्न केला आहे. त्यामुळे त्यांचे सर्व स्तरातून कौतुक होत आहे.
श्री. रोकडे यांनी सदर देखावा साकारण्यासाठी सहा महिने आगोदर तयारी केली होती. देखाव्यात दत्ता महाडिक तमाशाचे प्रवेश द्वार, राहुट्या, स्टेज, वाहतूक करणाऱ्या ट्रक, कनात इ. अगदी जशेच्या तसे दाखविण्यात आले आहे. या साठी त्यांनी कापड, प्लायवूड, फायबर, रेडियम, पुठ्ठे इ चा वापर केला आहे. आजू बाजूच्या गावातील रसिक देखावा पाहण्यासाठी गर्दी करत आहेत.
संगीतरत्न स्व.दत्ता महाडिक यांचे मूळ गाव बेल्हे (जुन्नर) असून एके काळी दत्ता महाडिक या नावाने महाराष्ट्रातच नव्हे तर अन्य राज्यातील रसिकांच्या मनावर अधिराज्य गाजवले होते. त्यांची स्वतः रचलेली व स्वतःच्या आवाजात स्वरबध्द केलेली गाणी अजरामर झाली. धामणीतील देखावा सोशल मीडियावर पाहिल्यावर स्व.दत्ता महाडिक यांचे चिरंजीव संजय महाडिक, साईनाथ पतसंस्थेचे अध्यक्ष वसंत जगताप, संजय विश्वासराव, राकेश डोळस, दत्तात्रय लामखेडे, भाऊसाहेब करंडे यांनी भेट दिली व श्री. रोकडे यांचे कौतुक केले. या वेळी माजी सरपंच सागर जाधव, उपसरपंच अक्षय विधाटे, माधव बोऱ्हाडे, संतोष पंचरास , पमाजी पंचरास व ग्रामस्थ उपस्थित होते.
राजकीय चर्चा! शिवाजीराव आढळराव पाटील यांनी अजित पवार यांच्या मेळाव्याकडे फिरवली पाठ…
दिलीप वळसे पाटील अन् देवदत्त निकम यांच्या कार्यकर्त्यांमध्ये जोरदार बाचाबाची…
