अहमदनगर : प्रसिद्ध किर्तनकार निवृत्तीनाथ इंदोरीकर महाराज यांच्या घराच्या पटांगणामध्ये बिबट्याने प्रवेश केला आणि एका कुत्र्याला उचलून नेल्याची घटना सीसीटीव्हीत कैद झाली आहे. संबंधित घटनेचा व्हिडीओ व्हायरल झाला आहे.
इंदोरीकर महाराज यांचे संगमनेर तालुक्यातील ओझर गावात घर आहे. या घरात चक्क बिबट्या घुसल्याची घटना घडली आहे. बिबट्याने तिथे झोपलेले एक कुत्रं देखील उचलून नेले आहे. व्हिडीओमध्ये पाहायला मिळते की, इंदोरीकर महाराज यांच्या घराच्या पडवीमध्ये दोन कुत्रे झोपलेले आहेत. तेवढ्यात तिथे बिबट्या येतो, त्यापैकी एका कुत्र्यावर तो हल्ला करतो आणि त्याला आपल्या सोबत घेऊन जातो. दुसरा कुत्रा बिबट्याच्या पाठीमागे लागतो. परंतु, बिबट्या कुत्र्याला घेऊन पळून गेला आहे.
दरम्यान, गेल्या काही दिवसांपासून या परिसरात बिबट्याचे हल्ले वाढले आहेत. परिसरात बिबट्याचा वावर असल्यामुळे ग्रामस्थ दहशतीमध्ये आहेत. या बिबट्याचा लवकरात लवकर बंदोबस्त करण्यात यावा, अशी मागणी नागरिकांनी वनविभागाकडे केली आहे.
इंदोरीकर महाराजांच्या राहत्या घरात चक्क बिबट्या शिरल्याची घटना घडली आहे. बिबट्यानं तिथे असलेल्या एका कुत्र्याला देखील उचलून नेलं आहे. या घटनेचा व्हिडीओ व्हायरल झाला आहे. pic.twitter.com/7UCr28181m
— News18Lokmat (@News18lokmat) October 10, 2023
टाकळी भीमात इंदोरीकरांनी घेतले युट्युब चॅनेलवाल्यांना फैलावर
बापरे! शिरूर तालुक्यात बिबट्याची थेट शाळेच्या क्रीडांगणावरच एन्ट्री…
शिरूर तालुक्यात शेतीला पाणी देताना युवकावर केला बिबट्याने हल्ला…