पुणे : पुरंदर तालुक्यातील शिवरी येथे गुरुवारी (ता. १२) बैलगाडा शर्यतीचे आयोजन करण्यात आले होते. बैलगाडा शर्यतीदरम्यान बैलगाडीवरील नियंत्रण सुटले आणि बैलगाडा विहिरीत कोसळला. यामध्ये 21 लाखांचा बैल विहिरीत कोसळून जागीच ठार झाल्याची धक्कादायक घटना घडली आहे.
बैलगाडी धावपट्टी सोडून धावत होती. सुसाट वेगात धावणारी ही बैलजोडी थेट विहिरीत जाऊन कोसळली. ही घटना इतकी भयानक होती, की यामध्ये एका बैलाचा जागीच मृत्यू झाला आहे. या बैलाची किंमत 21 लाख रूपये होती. तर दुसऱ्या बैलाला क्रेनच्या साहाय्याने बाहेर काढण्यात आले आहे.
दरम्यान, नियंत्रण सुटलेल्या बैलगाडीला थांबवण्यासाठी पुढे गेलेल्या संदीप न्यानोबा कामथे यांच्या अंगावरून बैलगाडी गेली. त्यामुळे या घटनेत ते गंभीर जखमी झाले असून, त्यांच्यावर जेजुरी येथील खाजगी रुग्णालयात उपचार सुरू आहेत. या घटनेमुळे एकच खळबळ उडाली आहे.
शिरुर तालुक्यात बैलगाडा दरम्यान बैलाचे शिंग छातीत घुसल्याने युवकाचा जागीच मृत्यू
शेतकऱ्याचा नाद करायचा नाय, भावाच्या वाढदिवसाला गिफ्ट म्हणुन दिला चक्क बैलगाड्याचा “गोऱ्हा”
वाघाळे येथील कालिकामाता यात्रेत तब्बल ५०० बैलगाडे अन् Live Video…
सविंदणे येथे भैरवनाथ महाराज यात्रे निमित्त विविध कार्यक्रमांचे आयोजन…
