मुंबई: माजी उपमुख्यमंत्री दिवंगत अजितदादा पवार यांच्या जयंतीनिमित्त राष्ट्रवादी काँग्रेसच्या प्रदेश कार्यालयात आज त्यांना भावपूर्ण अभिवादन करण्यात आले. त्यांच्या प्रतिमेस पुष्प अर्पण करून नेते, पदाधिकारी आणि कार्यकर्त्यांनी आदरांजली वाहिली.
यावेळी राष्ट्रवादी काँग्रेसचे ज्येष्ठ नेते व माजी मंत्री नवाब मलिक, माजी मंत्री धनंजय मुंडे, महिला व बालविकास मंत्री आदिती तटकरे, सहकार मंत्री बाबासाहेब पाटील तसेच आमदार शिवाजीराव गर्जे उपस्थित होते.
अजितदादा पवार यांच्या आठवणींनी धनंजय मुंडे, आदिती तटकरे यांच्यासह उपस्थित अनेक नेते आणि कार्यकर्ते भावूक झाले. “दादांचा जन्मदिवस जयंती म्हणून साजरा करावा लागत आहे,” या भावनेने अनेकांच्या डोळ्यांत अश्रू तरळल्याचे चित्र पाहायला मिळाले.
जयंतीनिमित्त मुंबईसह राज्यातील विविध जिल्ह्यांमधून तसेच कर्नाटकातूनही राष्ट्रवादी काँग्रेसचे पदाधिकारी आणि कार्यकर्ते मोठ्या संख्येने प्रदेश कार्यालयात उपस्थित राहून दिवंगत अजितदादा पवार यांना अभिवादन केले.
