राज्य सरकारच्या जी.आर.ची प्रत फाडून केली होळी, जोरदार निषेध
शिरूर (अरुणकुमार मोटे): राज्य शासनाने इयत्ता पहिलीपासून हिंदी भाषेची सक्ती करणारा जी.आर. जाहीर करून मराठी भाषेचा अवमान केला आहे. या पार्श्वभूमीवर शिवसेना पक्षप्रमुख उद्धवजी बाळासाहेब ठाकरे यांच्या आदेशानुसार व शिवसेना उपनेते सचिनभाऊ अहिर आणि पश्चिम महाराष्ट्र समन्वयक रविंद्रजी मिर्लेकर यांच्या सूचनेनुसार, तसेच पुणे जिल्हाप्रमुख अशोक खांडेभराड व संपर्कप्रमुखमनोज इसवे यांच्या मार्गदर्शनाखाली छत्रपती शिवाजी महाराज चौक, तळेगाव ढमढेरे (ता. शिरूर) येथे तीव्र आंदोलन छेडण्यात आले.
या आंदोलनात हिंदी सक्तीच्या जी.आर.ची होळी करत तीव्र निषेध व्यक्त करण्यात आला. “मराठीवर अन्याय सहन केला जाणार नाही”, “हिंदी सक्ती बंद झालीच पाहिजे”, अशा घोषणा देत शिवसैनिकांनी परिसर दणाणून सोडला. आंदोलनादरम्यान राज्य सरकारविरुद्ध संतप्त भावना व्यक्त करत मराठी अस्मितेचा बुलंद आवाज उठवण्यात आला.
या आंदोलनात उपजिल्हाप्रमुख मच्छिंद्र तात्या गदादे,तालुका प्रमुख पोपट शेलार, महिला तालुका संघटक, महिला तालुका संघटक चेतना ढमढरे, तालुका सल्लागार मधुकर भंडारी, समन्वयक शिवाजी मचाले,अनिल करपे, कौस्तुभ होळकर, राहुल शिंदे, गणेश शिवले,विभागप्रमुख कुंडलिक पवार, उपविभागप्रमुख अनिल सातकर व भगवान सातकर,दिपक इंगळे, सचिन मुळे इतर कार्यकर्ते व शिरूर तालुक्यातील आजी-माजी शिवसेना पदाधिकारी, महिला आघाडी, युवासेना, व शिवसैनिक मोठ्या संख्येने या आंदोलनात सहभागी झाले. या आंदोलनातून स्पष्ट संदेश देण्यात आला की, मराठीवर अन्याय सहन केला जाणार नाही आणि महाराष्ट्रात मराठीच पहिले स्थान असावे, हीच शिवसेनेची ठाम भूमिका आहे.
