मुंबई: महाराष्ट्र चित्रपट, रंगभूमी आणि सांस्कृतिक विकास महामंडळ यांच्या दादासाहेब फाळके चित्रपट रसास्वाद मंडळ उपक्रमांतर्गत ‘गोंधळ’ या मराठी चित्रपटाचे विशेष प्रदर्शन आयोजित करण्यात आले आहे.हे प्रदर्शन शुक्रवार, २४ एप्रिल २०२६ रोजी दुपारी ४ वाजता पु. ल. देशपांडे महाराष्ट्र कला अकादमी येथील लघु नाट्यगृह (तिसरा मजला), प्रभादेवी, मुंबई येथे होणार आहे.
‘गोंधळ’ हा संतोष डावखर दिग्दर्शित चित्रपट असून, किशोर कदम, इशिता देशमुख, योगेश सोहोनी, निशाद भोईर, अनुज प्रभू, सुरेश विश्वकर्मा, माधवी जुवेकर, ऐश्वर्या शिंदे, कैलास वाघमारे, प्रभाकर माथपती, विठ्ठल काळे, प्रदीप दळिंबकर, शरद जाधव आणि पूनम पाटील हे कलाकार प्रमुख भूमिकांमध्ये झळकले आहेत.या चित्रपटाच्या प्रदर्शनासाठी सिनेप्रेमींनी मोठ्या संख्येने उपस्थित राहावे, असे आवाहन मंडळाच्या वतीने करण्यात आले आहे.
कधी: २४ एप्रिल २०२६
वेळ: दुपारी ४ वाजता
स्थळ: लघु नाट्यगृह, तिसरा मजला, पु. ल. देशपांडे महाराष्ट्र कला अकादमी, प्रभादेवी, मुंबई
प्रवेश: सभासदांसह ‘प्रथम येणाऱ्यास प्राधान्य’ तत्त्वावर.
