शिक्रापूर (शेरखान शेख): कोरेगाव भीमा (ता. शिरुर) येथे सहावीमध्ये शिक्षण घेणारी 14 वर्षीय विद्यार्थिनी अत्याचाराने गरोदर राहिल्याची खळबळजनक घटना समोर आली असल्याने शिक्रापूर पोलीस स्टेशन येथे अज्ञात युवकावर बाल लैंगिक अत्याचारसह बलात्कार प्रकरणी गुन्हे दाखल करण्यात आले आहे.
कोरेगाव भीमा (ता. शिरुर) येथे सहावीत शिकणाऱ्या विद्यार्थिनीच्या पोटात दुखत असल्याने तिला उपचारासाठी गावातील खाजगी रुग्णालयात नेण्यात आले. मात्र डॉक्टरांनी पोटात दुखण्याचे कारण सांगितल्याने विद्यार्थिनीच्या कुटुंबियांना हादरा बसला. यावेळी विद्यार्थिनी गरोदर असल्याचे डॉक्टरांनी सांगितले.
दरम्यान विद्यार्थिनीवर उपचार सुरू करण्यात आले आणि उपचार सुरु असताना विद्यार्थिनीच्या आई सह अन्य नातेवाईकांनी तिला विश्वासात घेत विचारपूस केली असता कोरेगाव भीमा येथे त्यांच्या घरा शेजारील राहणाऱ्या एका युवकाने युवती दुकानातून घरी येताना तिला घरात बोलावून तिच्यावर अत्याचार करत कोणाला काही सांगितले तर तुला जीवे मारुन टाकीन अशी धमकी दिली असल्याचे विद्यार्थिनीने आईला सांगितले असल्याने विद्यार्थिनीच्या आईने शिक्रापूर पोलीस स्टेशन येथे फिर्याद दिल्याने शिक्रापूर पोलिसांनी अज्ञात युवकावर गुन्हे दाखल केले असून सदर गुन्ह्याचा पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली महिला पोलीस उपनिरीक्षक माधुरी झेंडगे करत आहे.
