शिक्रापूर: शिरुर येथील BJ कॉर्नर येथील रेशम घाट बिल्डींगमध्ये राहणारे राकेशकुमार स्वाई यांचे त्यांच्या कामासाठी २ लॅपटॉप व टॅब वापरतात. नेहमीप्रमाणे त्यांनी ८ ऑगस्ट रोजी त्यांचे लॅपटॉप व टॅब घरातील टेबलवर ठेवलेले होते. दुसऱ्या दिवशी सकाळच्या सुमारास लॅपटॉप पाहत असताना त्यांना लॅपटॉप दिसले नाही. त्यामुळे त्यांनी पाहणी केली असता घरातील २ लॅपटॉप व १ टॅब नसल्याचे त्यांच्या निदर्शनास आले. त्यामुळे त्यांनी पाहणी केली असता त्यांच्या फ्लॅटच्या उघड्या दरवाजातून कोणीतरी घरात येऊन चोरी केली असल्याचे त्यांच्या निदर्शनास आले.
याबाबत राकेशकुमार रमाकांत स्वाई (वय २३) रा. रेशम घाट बिल्डींग बी जे कॉर्नर शिरुर (ता. शिरुर) जि. पुणे यांनी शिरुर पोलीस स्टेशन येथे फिर्याद दिली असल्याने शिरुर पोलिसांनी अज्ञात चोरट्यांवर गुन्हे दाखल केले असून सदर गुन्ह्याचा पुढील तपास पोलीस निरीक्षक सुरेशकुमार राऊत यांच्या मार्गदर्शनाखाली पोलीस नाईक श्रीनाथ जगताप हे करत आहे.
