शिरुर (अरूणकुमार मोटे) शिरुर तालुक्यातील चिंचणी येथील घोडधरण जलाशयातुन यांत्रिक बोटीच्या सहाय्याने बेकायदेशीर वाळू उपसा तसेच विक्री होत होती. हि बाब शिरुरचे तहसीलदार बाळासाहेब म्हस्के यांच्या निदर्शनास आल्यानंतर त्यांनी तातडीने तेथील मंडळ अधिकारी नंदकुमार खरात यांना स्थळ पाहणी करुन योग्य ती कारवाई करण्याचे आदेश दिले होते.
त्या अनुषंगाने मंडळ अधिकारी यांनी स्थळ पाहणी करुन शिरुर पोलिस स्टेशनला अज्ञात चोरट्याने यांत्रिक बोटीच्या सहाय्याने वाळु काढुन चारचाकी वाहनातुन चोरुन नेल्याप्रकरणी अज्ञात व्यक्तीवर गुन्हा दाखल करण्यात आला आहे. तसेच यापुढेही जर चिंचणीच्या घोडधरण जलाशयात वाळु उपसा करणाऱ्या बोटी आढळल्यास त्या बोटी फोडण्यासाठी पथके तयार करुण यंत्रणा सज्ज केली असून तात्काळ योग्य ती कारवाई केली जाईल असे शिरुरचे तहसिलदार बाळासाहेब म्हस्के यांनी “शिरुर तालुका डॉट कॉम” शी बोलताना सांगितले.
घोड धरणातील वाळू चोरीबाबत महसुल विभागाच वरातीमागुन घोड शिरुर पोलिस स्टेशन येथे फिर्याद दाखल
