मुंबई: राज्यातील उच्च शिक्षण क्षेत्रातील महिला प्राध्यापकांमध्ये नेतृत्व गुण वाढविण्यासाठी महाराष्ट्र राज्य अध्यापक विकास संस्था (MSFDA), पुणे यांच्या वतीने ‘नारीदृष्टी’ (Nurturing Visionary Women Leaders for Transformation in Academia) या पाच दिवसीय निवासी कार्यक्रमाचे आयोजन करण्यात आले आहे. या कार्यक्रमाचे ऑनलाईन उद्घाटन उच्च व तंत्रशिक्षण मंत्री Chandrakant Patil यांच्या हस्ते झाले.
यावेळी बोलताना मंत्री चंद्रकांतदादा पाटील यांनी महिला प्राध्यापकांनी अध्यापनाबरोबरच संशोधन, प्रशासन, शैक्षणिक धोरण आणि संस्थात्मक नेतृत्व या क्षेत्रांतही पुढे यावे, असे आवाहन केले. ‘नारीदृष्टी’सारखे उपक्रम महिला प्राध्यापकांचा आत्मविश्वास वाढवून शिक्षण क्षेत्रात सकारात्मक बदल घडवतील, असा विश्वास त्यांनी व्यक्त केला.
देशात पंतप्रधान Narendra Modi यांच्या नेतृत्वाखाली महिलांच्या सक्षमीकरणासाठी विविध योजना राबविल्या जात असल्याचे सांगत, शिक्षण, विज्ञान, उद्योग, प्रशासन आणि संरक्षण क्षेत्रातील महिलांचे वाढते योगदान त्यांनी अधोरेखित केले.
उच्च शिक्षण संचालक Dr. Shailendra Deolankar यांनी सांगितले की, ‘नारीदृष्टी’ महिला नेतृत्वाला नवी दिशा देईल, तर शिक्षकांसाठी सुरू करण्यात आलेले इतर प्रशिक्षण कार्यक्रम तंत्रज्ञानाधारित आणि परिणामकेंद्रित शिक्षण अधिक मजबूत करतील.
या कार्यक्रमात राज्यातील विविध विद्यापीठे आणि महाविद्यालयांतील महिला प्राध्यापक सहभागी झाल्या आहेत. त्यांच्या नेतृत्व विकासासाठी विविध विषयांवर तज्ज्ञांचे मार्गदर्शन दिले जाणार आहे.
याच वेळी ‘Teaching with Smart Technology FDP’, ‘Project-Based Learning FDP’ आणि ‘CO-PO Integration & Micro Planning for Outcome-Based Accreditation FDP’ या तीन अध्यापक विकास कार्यक्रमांचेही उद्घाटन करण्यात आले. कार्यक्रमास Dr. Bhushan Patwardhan, Dr. Suresh Gosavi, Dr. Sunil Bhirud आणि Hemlata Bagla यांच्यासह अनेक मान्यवर उपस्थित होते.
