संभाजीनगर: शिवाजीनगर रेल्वे भुयारी मार्गावर लोखंडी संरक्षक पाट्यांचे काम सुरू करण्यात आले आहे. या कामामुळे संपूर्ण मार्ग बंद राहणार आहे. नागरिकांनी प्रवासाच्या आधी पर्यायी मार्गांचा वापर करावा.
दररोज २ लाख नागरिकांना फटका
या मार्गाचा दररोज सुमारे १.५ ते २ लाख नागरिक वापर करतात. मार्ग बंद असल्याने आता प्रवाशांना ५ किमीचा अधिकचा फेरा मारावा लागणार आहे. यामुळे वेळेचा अपव्यय आणि इंधन खर्च वाढण्याची शक्यता आहे.
वाहतूक बदल, पर्यायी सुचना
शिवाजीनगर रेल्वे भुयारी मार्ग बंद असल्यामुळे, नागरिकांनी खालील पर्यायी मार्गांचा वापर करून सहकार्य करावे
पर्यायी मार्ग 2
देवलाई चौक → गोदावरी टी पॉईंट → संगम नगर→ उड्डाणपूल मार्ग हे मार्ग वाहनधारकांसाठी जलद आणि सोयीस्कर आहेत.
पर्यायी मार्ग २
देवलाई चौक→ गोदावरी टी पॉईंट एमआयटी कॉलेज→ आश्रम चौक→ रेल्वे स्टेशन
विशेषतः स्टेशनकडे जाणाऱ्या नागरिकांनी या मार्गाचा उपयोग करावा.
वाहतूक नियंत्रणासाठी पोलिस बंदोबस्त
वाहतूक कोंडी टाळण्यासाठी विशेष पोलीस बंदोबस्त ठेवण्यात येणार आहे. कामाच्या वेळेत वाहतूक पोलिसांची अतिरिक्त नेमणूक केली जाणार आहे. नागरिकांनी संयम पाळून प्रशासनाला सहकार्य करावे.
