शिरुर (अरुणकुमार मोटे) शिरुर तालुक्याच्या बेट भागात नव्यानेच स्थापण झालेल्या माळवाडी ग्रामपंचायतीमध्येही धक्कादायक निकाल हाती लागला असुन दामूशेठ घोडे यांच्या गटातील सोमा भाकरे यांच्या माळवाडी ग्रामविकास परीवर्तनने ६-१ असा दणदणीत विजय मिळवला आहे. त्यांच्या विरुद्ध माळवाडी ग्रामविकास पॅनेलच्या पॅनेल प्रमुख सोपान भाकरे यांच्यासह पॅनेलचा धक्कादायक पराभव झाला आहे. अंत्यत चुरशीच्या झालेल्या या निवडणुकीत दामुशेठ गटाने माळवाडीसह म्हसे ग्रामपंचायतीत विजय मिळवल्याने “टाकळी हाजी” तसेच बेट भागात आंनदाचे वातावरण निर्माण झाले असुन पुढील होणाऱ्या जिल्हा परीषद, पंचायत समितीच्या निवडणुकीच्या दृष्टीने हे निकाल अनुकुल मानले जात आहेत.
