शिरुर (अरुणकुमार मोटे) गेल्या वीस वर्षांपासुन ‘सेंट जोसेफ’ हि शाळा शिरुर शहरातील शैक्षणिक क्षेत्रात कार्यरत असुन आम्ही विद्यार्थ्यांना चांगल्या दर्जाने शिक्षण देण्याचा प्रयत्न करत आहोत. साळवे यांनी आमच्याविरुद्ध केलेल्या तक्रारीत कुठलेही तथ्य नसून, आमच्या शाळेच्या बदनामीचा हा कट केला असल्याचे सेंट जोसेफ शाळेच्या मुख्याध्यापिका नॅन्सी पायस यांनी शिरुर येथे पत्रकार परिषदेत सांगितले.
फिर्यादी सुमन साळवे, त्यांचे पती व मुलगा यांनी केलेल्या खोट्या आरोपाविरुध्द न्यायालयात दाद मागणार असुन त्यांच्या विरुध्द मानहानीचा दावा दाखल करणार असल्याचे पायस यांनी सांगीतले. तसेच याबाबत पुणे ग्रामीण पोलीस अधीक्षक पंकज देशमुख यांना निवेदन दिले असुन आमच्या विरोधात खोटा गुन्हा दाखल झाला असुन आम्ही सुद्धा याप्रकरणी कायदेशीर मार्गाचा अवलंब करणार असल्याचे त्यांनी सांगीतले.
सुमन साळवे व त्यांचा मुलगा अनधिकृतपणे शाळेत आले होते. तसेच त्यांनी परवानगी न घेता व्हिडिओ चित्रीकरण करण्याचा प्रयत्न केला. यात महिलांचाही व्हिडिओ ते काढत होते. त्याला मी विरोध केला त्यामुळे त्यांनी शाळेत गोंधळ घातला आणि शिक्षकांवर धावुन आले. त्याचवेळी आम्ही पोलिसांना ११२ ला कॉल करुन बोलावले होते. नंतर त्यासंदर्भात तक्रारही पोलिसात दिली होती.
आम्ही शाळेतील एका शिक्षकाचा वाढदिवस साजरा करीत असताना संगीत लावले होते. डीजे लावला नव्हता यावेळेस शाळेत काम करणाऱ्या शिक्षिका ही तिथे उपस्थित होत्या. त्यांच्यावर दारु पिण्याचे खोटे आरोप केल्याने त्या दुखावल्या गेल्या आहेत. साळवे यांनी अशा प्रकारचे खोटे आरोप आमच्यावर केले आहेत. जर शिक्षक दारु पिले असते. तर जेव्हा आम्ही पोलिसांना शाळेत बोलावलं तेव्हाच हि बाब पोलिसांच्या निदर्शनास आली असती.
तसेच त्यानंतर पोलीस स्टेशनला जाऊन आम्ही साळवे यांच्याविरोधात तक्रार दिली आहे. त्यानंतर आमच्याविरुद्ध साळवे यांनी खोटा गुन्हा दाखल केला आहे. याप्रकरणी आम्ही सुद्धा कायदेशीर मार्गाचा अवलंब करणार असल्याचे नॅन्सी पायस यांनी सांगीतले.
शिरुर येथुन अचानक आई व मुलगा बेपत्ता, पोलिस स्टेशनमध्ये हरविल्याची तक्रार दाखल; पतीचे गंभीर आरोप
शिरुर; लाडक्या बहिणीला भिक्षा नको, सुरक्षा हवी म्हणत महाविकास आघाडीच्या वतीने भर पाऊसात मुक आंदोलन
चिंचणी येथील वाळूमाफीयांविरोधात जोरदार कारवाई करणार; तहसिलदार बाळासाहेब म्हस्के
