शिक्रापूर (शेरखान शेख): शिक्रापूर (ता. शिरुर) शिक्रापूर चाकण रस्त्यावर चाकण बाजूने येणाऱ्या वाहनाला समोरून आलेल्या वाहनाने हूल दिल्याने ट्रक रस्त्याचे कडेला उलटून ट्रकसह ट्रक मधील साहित्याची मोठी नुकसान झाल्याची घटना घडली आहे.
शिक्रापूर (ता. शिरुर) येथील शिक्रापूर चाकण रस्त्याने चाकण बाजूकडून एम एच १६ सि सि ९४९३ हा ट्रक प्लास्टिक कंपनीचा माल घेऊन येत असताना समोरून येणाऱ्या वाहनाला एक वाहन ओहरटेक करत असताना चाकण बाजूने आलेल्या वाहन चालकाच्या समोर सामोतील वाहन आल्याने ट्रक रस्त्याचे कडेला जाऊन उलटला यावेळी ट्रक चालक सुदैवाने बचावला असून ट्रक सह ट्रक मधील प्लास्टिक मालाचे मोठे नुकसान झाले आहे. मात्र वाहनांची धडक होऊन होणारा अपघात टळला असताना समोरून आलेले वाहन पळून गेले आहे.
