RANJANGAON

कारेगावमध्ये किरकोळ कारणावरुन मारहाण; गुन्हा दाखल

इतर

रांजणगाव गणपती: कारेगाव (ता. शिरुर) येथे पुर्वीच्या भांडणाचा राग मनात धरुन लोखंडी फावड्याने डोक्यात मारुन गंभीर दुखापत केल्या प्रकरणी रांजणगाव एम आय डी सी पोलीस ठाण्यात गुन्हा दाखल करण्यात आला असुन निलेश विलास गायकवाड (वय २२) रा. कारेगाव, कर्डेरोड, कांचन रेसिसडन्सी बिल्डींग याने याबाबत फिर्याद दिल्याने मनोहर रामकिसन गायकवाड (सध्या रा. कारेगाव ता.शिरुर जि.पुणे) मुळ रा. नाशिक याच्या विरोधात गुन्हा दाखल झाला आहे.

रांजणगाव पोलिसांनी दिलेल्या माहितीनुसार सोमवार (दि १८) रोजी सायंकाळी ५:४५ च्या सुमारास फिर्यादी हा कारेगाव-बाभुळसर येथे राहणाऱ्या एका मित्राला भेटायला गेला होता. तिथं मनोहर गायकवाड आला त्याने यापुर्वीच्या भांडणाच्या कारणावरुन “ वाढदिवसाच्या दिवशी तुला माज आला होता काय…? तु मला हात लावतो काय…?” असे म्हणत लाकडी दांडा असलेल्या लोखंडी पात्याच्या फावड्याने फिर्यादीच्या डोक्यात जोरात मारुन गंभीर दुखापत केली आहे. रांजणगाव एमआयडीसी पोलीस ठाण्याचे पोलीस निरीक्षक बलवंत मांडगे यांच्या मार्गदर्शनाखाली तपासी पोलिस उपनिरीक्षक सुहास रोकडे पुढील तपास करत आहेत.