अनेकांच्या दिवसाची सुरुवात सकाळच्या चहा किंवा कॉफीने होते. सकाळी चहा प्यायल्याने आपल्याला दिवसभर फ्रेश वाटते. तसेच शरीरात वेगळ्या प्रकारची ऊर्जा निर्माण होते.
अशातच सध्या गुलाबी चहाचा ट्रेंड वाढताना दिसून येत आहे. हा चहा फक्त चवीला उत्तम नाही तर आरोग्यासाठी देखील खूप फायदेशीर आहे.
गुलाबी चहा विशेषत: काश्मिरी चहा म्हणून ओळखला जातो. या चहामुळे रोगप्रतिकारशक्ती वाढते. तसेच वजन कमी होण्यास देखील मदत होते.
रोज कपभर गुलाबी चहा प्यायल्याने रक्तदाब नियंत्रणात राहातो तर मानसिक तणाव देखील कमी होतो.
गुलाबी चहामध्ये अँटिऑक्सिडंट्स असतात जे शरीराला होणाऱ्या हानिकारक घटकांपासून वाचवतात. या चहामध्ये कॅलरीजचे प्रमाण कमी असल्यामुळे वजन देखील वाढत नाही.
गुलाबी चहा प्यायल्याने रक्तवाहिन्यांमधील कोलेस्ट्रेरॉल कमी होऊन हृदयविकार आणि रक्तवाहिन्यासंबंधी होणारा रोगांचा धोका कमी होतो.
या गुलाबी चहामध्ये गुलाबाच्या पाकळ्या, मध, पाणी, दालचिनी आणि वेलची असल्यामुळे याचा सुगंध चांगला असतो. त्यामुळे मानसिक तणाव कमी होऊन मन शांत होते.
गुलाबी चहामध्ये व्हिटॅमिन सी चे प्रमाण असते. त्यामुळे याचा आपल्या त्वचेला फायदा होतो. यात असणारे एंटी-इंफ्लेमेटरी गुण आपल्याला निरोगी ठेवण्यास मदत करतात.
(सोशल मीडियावरून साभार)
