मुंबई: राज्यातील आगामी जिल्हा परिषद आणि पंचायत समितीच्या सार्वत्रिक निवडणुकांसाठी राष्ट्रवादी काँग्रेसकडून ४० स्टार प्रचारकांची यादी जाहीर करण्यात आली आहे. ही माहिती राष्ट्रवादी काँग्रेसचे प्रदेशाध्यक्ष खासदार सुनील तटकरे यांनी दिली.
या निवडणुकांमध्ये पक्षाच्या प्रचाराची धुरा राज्य व राष्ट्रीय पातळीवरील वरिष्ठ नेत्यांकडे सोपवण्यात आली असून, सर्व जिल्ह्यांमध्ये जोरदार प्रचार केला जाणार असल्याचे तटकरे यांनी सांगितले.
राष्ट्रवादी काँग्रेसचे घोषित स्टार प्रचारक पुढीलप्रमाणे :
राष्ट्रवादी काँग्रेसचे राष्ट्रीय अध्यक्ष व उपमुख्यमंत्री अजितदादा पवार,
राष्ट्रीय कार्याध्यक्ष खासदार प्रफुल पटेल,
प्रदेशाध्यक्ष खासदार सुनील तटकरे,
ज्येष्ठ नेते व अन्न व नागरी पुरवठा मंत्री छगन भुजबळ,
खासदार सुनेत्रा पवार,
माजी मंत्री दिलीप वळसे पाटील,
वैद्यकीय शिक्षण मंत्री हसन मुश्रीफ,
सहकार मंत्री बाबासाहेब पाटील,
अन्न व औषध प्रशासन मंत्री नरहरी झिरवाळ,
माजी मंत्री धनंजय मुंडे,
कृषी मंत्री दत्तात्रय भरणे,
महिला व बालविकास मंत्री अदिती तटकरे,
मदत व पुनर्वसन मंत्री मकरंद पाटील,
विधानसभा उपाध्यक्ष अण्णा बनसोडे,
माजी खासदार शिवाजीराव आढळराव पाटील,
खासदार नितीन पाटील,
पर्यटन राज्यमंत्री इंद्रनील नाईक,
माजी मंत्री अनिल भाईदास पाटील,
माजी मंत्री संजय बनसोडे,
माजी मंत्री नवाब मलिक,
अल्पसंख्याक महामंडळ अध्यक्ष मुश्ताक अंतुले,
आमदार शेखर निकम, अमोल मिटकरी,
महिला प्रदेशाध्यक्षा रुपाली चाकणकर,
माजी खासदार समीर भुजबळ,
माजी आमदार अनिकेत तटकरे,
आमदार सना मलिक-शेख, सतीश चव्हाण, राजेश विटेकर, विक्रम काळे,
माजी आमदार झिशान सिद्दीकी,
आमदार इद्रीस नायकवडी,
अल्पसंख्याक नेते हाजी ईस्माईल शेख,
प्रदेश सरचिटणीस सुरज चव्हाण,
सामाजिक सेल प्रदेशाध्यक्ष सुनील मगरे,
ओबीसी सेल प्रदेशाध्यक्ष कल्याण आखाडे,
प्रदेश प्रवक्ते महेश शिंदे, प्रतिभा शिंदे,
अल्पसंख्याक नेते व ठाणे नगरसेवक नजीब मुल्ला,
विकास पासलकर आदींचा समावेश आहे.
राज्यातील स्थानिक स्वराज्य संस्थांच्या निवडणुकांमध्ये राष्ट्रवादी काँग्रेस पूर्ण ताकदीने मैदानात उतरणार असून, या स्टार प्रचारकांच्या माध्यमातून पक्षाचा प्रचार अधिक प्रभावी होईल, असा विश्वास पक्ष नेतृत्वाने व्यक्त केला आहे.
