मुंबई: नाशिक व मालेगाव येथील राष्ट्रवादी काँग्रेस (शरदचंद्र पवार) पक्षाचे काही पदाधिकारी आज काँग्रेसमध्ये दाखल झाले. काँग्रेसचे प्रदेशाध्यक्ष हर्षवर्धन सपकाळ आणि खासदार शोभा बच्छाव यांच्या उपस्थितीत टिळक भवन येथे हा पक्षप्रवेश सोहळा पार पडला.
या वेळी मोहम्मद युसुफ मोहम्मद यासीन, अखलाख अहमद वाहिद उझमा, अकबर गुलाब शेख, फिरोझ अब्दुल रेहमान खान आणि फैजल खलील शेख यांनी काँग्रेसमध्ये प्रवेश केला. प्रदेशाध्यक्ष हर्षवर्धन सपकाळ यांनी सर्वांचे स्वागत करत शुभेच्छा दिल्या.
यावेळी बोलताना त्यांनी सांगितले की, काँग्रेस पक्ष सर्व जाती-धर्मांना सोबत घेऊन जाणारा पक्ष असून देशातील लोकशाही व संविधान वाचवण्यासाठी राहुल गांधी यांच्या नेतृत्वाखाली लढा सुरू आहे. त्यांच्या नेतृत्वावर व काँग्रेसच्या विचारधारेवर विश्वास ठेवून या पदाधिकाऱ्यांनी पक्षप्रवेश केला असल्याचे त्यांनी नमूद केले.काँग्रेसचा विचार घरोघरी पोहोचवण्याचे आवाहनही हर्षवर्धन सपकाळ यांनी यावेळी केले.
