मुंबई: जुन्नर तालुक्यातील पिंपळवंडी येथे घडलेल्या संतापजनक घटनेच्या पार्श्वभूमीवर राष्ट्रवादी काँग्रेसच्या महिला प्रदेशाध्यक्षा वैशाली नागवडे यांनी आज घटनास्थळी भेट देत पीडित कुटुंबीयांची भेट घेतली.पीडित कुटुंबीयांच्या दुःखात सहभागी होत नागवडे यांनी त्यांना धीर दिला. या प्रकरणात न्याय मिळेपर्यंत ठामपणे त्यांच्या पाठीशी उभे राहण्याचा विश्वास त्यांनी कुटुंबीयांना दिला.
“मुलींच्या सुरक्षिततेशी कोणतीही तडजोड होता कामा नये. या प्रकरणाची निष्पक्ष चौकशी करून दोषींवर कठोरात कठोर कारवाई झाली पाहिजे,” अशी मागणी वैशाली नागवडे यांनी पोलीस यंत्रणेकडे केली.यावेळी महिला जिल्हाध्यक्षा मोनिका हरगुडे, जुन्नर तालुका महिलाध्यक्षा सुप्रिया लेंडे यांच्यासह महिला पदाधिकारी व कार्यकर्त्या उपस्थित होत्या.
