पुणे: पुणे शहरातील मित्रमंडळ चौक परिसरात एका तरुणाचा भीषण अपघात होऊन मृत्यू झाला आहे. रस्त्यावर जात असताना केलेल्या चुकीमुळे त्याचा कोळसा झाल्याचे वृत्त आहे. ही धक्कादायक घटना परिसरातील सीसीटीव्ही कॅमेऱ्यात कैद झाली असून, व्हिडीओ सध्या सोशल मीडियावर व्हायरल झाला आहे.
मिळालेल्या माहितीनुसार, घटनेच्या ठिकाणी महावितरणचा विद्युत पुरवठा करणारा डीपी बॉक्स आहे, जो सुरक्षेच्या कारणास्तव नेहमी कुलूप लावून बंद ठेवला जातो. मात्र, मृत तरुणाने हा कुलूप तोडून आतल्या उघड्या विद्युत तारांना हात लावला. अत्यंत उच्च दाबाच्या वीज प्रवाहामुळे तरुणाला जोरदार झटका बसला आणि तो आगीत होरपळून जागीच मृत्यू पावला.
सध्या मृत्युमुखी पडलेल्या तरुणाची ओळख अद्याप पटलेली नाही. पोलीस तपास करत असून, त्याने डीपी बॉक्स फोडण्यामागील कारण – चोरी, त्रास किंवा आत्महत्त्या – याबाबतही चौकशी केली जात आहे.घटनेची माहिती मिळताच पोलिसांनी पंचनामा केला असून, सीसीटीव्ही फुटेजची तपासणी सुरू आहे. मृतदेह शवविच्छेदनासाठी शासकीय रुग्णालयात पाठवण्यात आला आहे.
