शिरुर (अरुणकुमार मोटे): शिरुर शहरात चार दिवसांपुर्वी पेट्रोल पंपावर चोरी झाल्याची घटना ताजी असतानाच पुन्हा न्हावरे (ता. शिरुर) येथील आयुका पेट्रोलियम एचपी पेट्रोल पंपावर रात्रीच्या वेळी अनोळखी 6 व्यक्तींनी पेट्रोल पंपाच्या ऑफिसमध्ये येऊन त्यांच्याकडील कोयत्याचा धाक दाखवत जीवे मारण्याची धमकी देऊन मोबाईल सह 1 लाख 7 हजार रुपये किमतीचा माल दरोडा टाकून चोरुन नेल्याची घटना घडली आहे. याबाबत याबाबत शेरोसिंग उर्फ बंटी भगवानदास कशब (वय २३) हल्ली राहणार आयुका पेट्रोल पंप, न्हावरे यांनी शिरुर पोलिसांत फिर्याद दिली आहे. अज्ञात अनोळखी व्यक्तींवर गुन्हा दाखल केला आहे.
शिरुर चे उपविभागीय पोलिस आधिकारी यशवंत गवारी व शिरूरचे पोलीस निरीक्षक यांनी घटनास्थळी भेट दिली असून शिरुर पोलीस अधिक तपास करत आहे. अगदी 4 दिवसाच्या अंतरात कोयत्याचा धाक दाखवून झालेल्या चोरीच्या घटनांनी खळबळ उडाली असून तालुक्यातील पेट्रोल पंपचालकांमध्ये भीतीचे वातावरण पसरले आहे.
