८४ हजारांहून अधिक मुद्देमाल जप्त
शिरूर (अरुणकुमार मोटे): शिरूर शहरातील काचेआळी परिसरात सुरू असलेल्या बेकायदेशीर तीनपत्ती जुगार अड्ड्यावर शिरूर पोलिसांनी छापा टाकून सात जणांना ताब्यात घेतले. या कारवाईत ८४,२६० रुपयांचा रोख रक्कम, विविध कंपनीचे मोबाईल फोन्स व जुगाराचे साहित्य असा मुद्देमाल जप्त करण्यात आला आहे. ही कारवाई १४ मे रोजी रात्री साडेसात वाजता करण्यात आली आहे.
फिर्यादी पोलीस उपनिरीक्षक एस. एस. नरके (रांजणगाव पोलीस स्टेशन, प्रतिनियुक्ती – उपविभागीय पोलीस अधिकारी कार्यालय, कारेगाव) यांनी दिलेल्या माहितीनुसार, शिरूरमधील काचेआळी येथील अंबिका निवास येथे काहीजण बेकायदेशीरपणे तीनपत्ती जुगार खेळत असल्याची माहिती मिळाल्यानंतर ही कारवाई करण्यात आली आहे.
शिरूर पोलिसांनी या प्रकरणी १) अनिल मधुकर तांबे (वय ४०) २) प्रदीप श्रीकृष्ण तिवारी (वय ४२) ३) किसन विठ्ठल जामदार (वय ६४), ४) संजय केवलचंद भटेवरा (वय ६५) ५. गणेश जयसिंग मल्लाव (वय ३६) ६) श्रीकांत दशरथ मल्लाव (वय ३४) ७) सुनीता मधुकर धाडीवाल – यांनी जुगारासाठी जागा उपलब्ध करून दिली. यामुळे सर्वांना ताब्यात घेण्यात आले आहे. सदर ठिकाणाहून ६३,२६०/- रुपयांची रोख रक्कम, 6 मोबाईल फोन्स (सॅमसंग, ओपो, रिअलमी, एमआय, व्हीवो),११ पत्यांचे कॅट (१० सिलबंद व १ वापरलेला)एकूण किंमत: ₹८४,२६०/- आदी रक्कम व वस्तु ताब्यात घेतल्या आहे.
या प्रकरणी शिरूर पोलीस ठाण्यात गुन्हा नोंदवण्यात आला असून, आरोपींविरुद्ध महाराष्ट्र जुगार प्रतिबंधक अधिनियम १८८७ अंतर्गत कलम ४ व ५ नुसार गुन्हा दाखल करण्यात आला आहे. शिरूर शहरासह ग्रामीण भागात जुगार खुलेआम मोठ्या प्रमाणावर खेळला जात आहे. पोलिस उपविभागीय कार्यालयामार्फत ही धाडसी कारवाई करण्यात आली असून अश्याच प्रकारे गावठी दारू विक्री, गुटखा विक्री, जुगार अड्ड्यांवर कारवाई करण्याची मागणी नागरीकांकडून होत आहे
