शिक्रापूर (शेरखान शेख): पाबळ (ता. शिरुर) येथे रिक्षा मध्ये प्रवाशी बसू न दिल्याचा जाब विचारल्याच्या वादातून एका रिक्षा चालकाला मारहाण करण्यात आल्याची घटना घडली असल्याने शिक्रापूर पोलीस स्टेशन येथे योगेश उर्फ आप्पा चौधरी याचे विरुद्ध गुन्हे दाखल करण्यात आले आहे.
पाबळ (ता. शिरुर) येथे सणसवाडी येथील संजय दरेकर हे रिक्षा घेऊन गेलेले असताना सदर ठिकाणी असलेला योगेश चौधरी हा दरेकर यांच्या रिक्षात प्रवाशांना बसू देत नव्हता त्यामुळे दरेकर यांनी चौधरी याला जाब विचारला असता चौधरी याने दरेकर यांना शिवीगाळ, दमदाटी करत हाताने व लाथाबुक्क्यांनी मारहाण करत जखमी केले.
याबाबत संजय विनायक दरेकर (वय ४२) रा. खंडोबा आळी, सणसवाडी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी योगेश उर्फ आप्पा चौधरी रा. पाबळ (ता. शिरुर) जि. पुणे याच्या विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली सहाय्यक पोलीस उपनिरीक्षक विजय चौधर हे करत आहे.
