शिरूर : शिरूर तालुक्यातील निमगाव म्हाळुंगी येथे ६० वर्षीय महिलेचा मारहाण करून खून झाल्याची धक्कादायक घटना समोर आली आहे. या प्रकरणी शिक्रापूर पोलिसांनी मृत महिलेच्या मुलाविरुद्ध खुनाचा गुन्हा दाखल केला असून परिसरात खळबळ उडाली आहे.
पोलिसांनी दिलेल्या माहितीनुसार, कुंदा रामोबा चौधरी (वय ६०, रा. निमगाव म्हाळुंगी, ता. शिरूर) यांचा त्यांच्या राहत्या घरी संशयास्पद परिस्थितीत मृत्यू झाला. याप्रकरणी त्यांचे भाऊ भास्कर दशरथ कबाडी (रा. कबाडवाडी, ता. जुन्नर) यांनी शिक्रापूर पोलीस ठाण्यात फिर्याद दिली.
फिर्यादीनुसार, १४ जुलै रोजी सायंकाळी आरोपी दिलीप रामोबा चौधरी याने आई कुंदा चौधरी यांना हाताने तसेच कठीण वस्तूने मारहाण करून गंभीर जखमी केले. या मारहाणीत त्यांचा मृत्यू झाल्याचे फिर्यादीत नमूद करण्यात आले आहे.
या प्रकरणी शिक्रापूर पोलीस ठाण्यात दिलीप रामोबा चौधरी (रा. निमगाव म्हाळुंगी, ता. शिरूर) याच्याविरुद्ध खुनाचा गुन्हा दाखल करण्यात आला असून, सहाय्यक पोलीस निरीक्षक गिरी पुढील तपास करत आहेत.
View this post on Instagram
शिरूर! निमगाव म्हाळुंगी ग्रामस्थांचा संयम लागला सुटू; बिबट्यांचा कळपच दिसला…
निमगाव म्हाळुंगीत तीस वर्षीय तरुण कामिनी ओढ्यात पडून बेपत्ता…
Video: शिरूर तालुक्यात स्वीट होममधील कामगाराला बेदम मारहाण…
शिक्रापूर पोलिसांची धडक कारवाई! अपघात टाळण्यासाठी राष्ट्रीय महामार्गावरील २०० अनधिकृत फ्लेक्स हटवले
