सविंदणे: कवठे येमाई (ता. शिरुर) येथील गौरव उघडे या युवकाची त्याच्या घरासमोर लावलेली हिरो कंपनीची स्पेंल्डर MH-१२-EE – ४५०७ ही दुचाकी अज्ञात चोरट्यांनी रात्रीच्या सुमारास चोरुन नेली आहे.
टाकळी हाजी औट पोस्टच्या हद्दित चोरट्यांनी व्यावसायिकांची दुकाने फोडण्याबरोबर आता दुचाकी चोरण्याचा सपाटा लावला आहे. बेट भागातील अनेक शेतकऱ्यांच्या विद्युत मोटारी चोरीला गेल्यानंतर मोटार चोर शोधण्यास शिरुर पोलिसांना यश आले असून शेतकऱ्यांना चोरीला गेलेल्या विदयुत मोटारी मिळण्याचा मार्ग मोकळा झाला आहे. आपली दुचाकी वाहनाबरोबर चारचाकी वाहने, CCTV च्या निगराणीखाली, व्यवस्थित ठिकाणी पार्क करण्याचे आवाहन टाकळी हाजी औटपोस्टचे सहाय्यक पोलिस निरीक्षक अमोल पन्हाळकर व पोलिस उपनिरीक्षक सुनिल ऊगले यांनी केले आहे.
