जोधपूर (राजस्थान) : गाय अथवा बैल चवताळला तर तो काय करू शकतो, हे अनेकदा अनुभवायला मिळाले आहे. सध्या तीन बैलांचा व्हिडिओ सोशल मीडियावर जोरदार व्हायरल होत आहे. लाल रंगाची कपडे घालून चालत निघालेल्या महिलेवर बैलाने अचानक हल्ला केला असून, महिला गंभीर जखमी झाली आहे.
एका बैलाने हल्ला केला तरी त्या व्यक्तीची काय अवस्था होते, ते तुम्हाला माहिती आहे. मग विचार करा, तीन बैलांनी एकत्र हल्ला केल्यानंतर या महिलेची काय अवस्था झाली असेल. ही संपूर्ण घटना सीसीटीव्ही कॅमेऱ्यात कैद झाली आहे. संबंधित व्हिडिओ सोशल मीडियावर जोरदार व्हायरल होत आहे.
धक्कादायक ! 3-3 बैलांनी एकत्र महिलेला शिंगांनी उडवून पायाखाली तुडवलं pic.twitter.com/qctiaz90uF
— Ajay Rajaram Ubhe (@RajaramUbhe) July 15, 2022
व्हिडिओमध्ये पाहायला मिळते की, तीन बैल रस्त्यावर उभे आहेत. एक महिला चालत असताना अचानक एक बैल सुरुवातीला त्या महिलेच्या दिशेने धावून येतो आणि तिच्यावर हल्ला करतो. महिलेला आपल्या शिंगांने उडवतो. त्यानंतर तिथे उभे असलेले इतर बैलही त्या ठिकाणी येतात आणि त्या महिलेवर हल्ला करतात. बैलांच्या हल्ल्यानंतर महिला जमिनीवर कोसळते. या हल्ल्यानंतर ती महिला जमिनीवर निपचित पडलेली दिसत आहे तिची कोणतीही हालचाल होताना दिसत नाही आहे.
Video: गाईने खाटिकाला दिली आयुष्यभराची शिक्षा…