पुणेः पुणे जिल्हा परिषदेचे माजी बांधकाम सभापती मंगलदास बांदल यांच्यासह हनुमंत खेमदारे आणि सतीश यादव यांची मालमत्ता ईडीने जप्त केली आहे. पुणे, सोलापूर आणि अहमदनगर येथील 85 कोटींची मालमत्ता ईडीने जप्त केली आहे. कर्ज घेऊन फसवणूक केल्याचा आरोप मंगलदास बांदल यांच्यावर आहे. याआधी याच गुन्ह्यात अनिल भोसले यांच्या विरोधात गुन्हा दाखल झाला होता.
मनी लॉड्रिंग प्रकरणी मंगलदास बांदल यांच्या शिक्रापूर आणि महंमदवाडीतील निवासस्थानी ईडीने 21 ऑगस्ट रोजी छापे टाकले होते. त्यावेळी बांदल याना अटक केली होती. मंगलदास बांदल यांची पुणे, सोलापूर, अहमदनगर जिल्ह्यात असलेली मालमत्ता ईडीकडून जप्त करण्यात आली होती. ईडीकडून बांदल यांच्या निवासस्थानातून कागदपत्रे जप्त केली. बांदल यांच्या बँक खात्यांची माहिती ईडीच्या अधिकाऱ्यांनी घेतली. मंगलदास बांदल यांच्याविरुद्ध पुणे पोलिसांनी एका प्रसिद्ध सराफ व्यावसायिकाला धमकावल्याप्रकरणी मोक्का अंतर्गत कारवाई केली होती. बांदल यांच्याविरुद्ध शिवाजीराव भोसले बँक गैरव्यवहार प्रकरणी गुन्हा दाखल झाला होता. त्यामुळे आता मंगलदास बांदल यांच्या अडचणीत वाढ झाली आहे.
मंगलदास बांदल यांच्यासह हनुमंत खेमदारे आणि सतीश यादव यांची यांची मालमत्ता जप्त करण्यात आली. अनिल भोसले यांच्याविरोधात दाखल होता गुन्हा त्याच गुन्ह्यात ईडीची कारवाई करण्यात आली आहे. मंगलदास बांदल यांनी कर्ज घेऊन फसवणूक केल्याचा आरोप आहे. अनिल भोसले यांच्याविरोधात यापूर्वी आरोपपत्र दाखल करण्यात आले आहे.
दरम्यान, विधानसभा निवडणुकीसाठी मंगलदास बांदल यांच्या पत्नी रेखा बांदल या शिरूर-हवेलीमधून तयारी करीत असतानाच बांदल यांच्यावर ‘ईडी’ची छापेमारी झाल्याने राजकीय वर्तुळात चर्चा रंगली आहे.
मंगलदास बांदल यांच्या घरावर पुन्हा ईडीची धाड
मंगलदास बांदल यांना ईडीने केली अटक; कोट्यवधींचं घबाड
मंगलदास बांदल यांनी घेतली देवेंद्र फडणवीस यांची भेट; चर्चांना उधाण
