शिरुर (तेजस फडके) शिरुर तालुका बांधकाम कामगार संघटनेच्या शिवसेना प्रणित शिरुर तालुका बांधकाम सेनाप्रमुख या पदावर संदीप शेलार यांची नियुक्ती करण्यात आली. शिरुर तालुक्यातील रिक्त जागेवरती महाराष्ट्राचेमाजी मुख्यमंत्री आणि सध्याचे उपमुख्यमंत्री एकनाथ शिंदे यांच्या आदेशाने व पुणे जिल्हा बांधकाम कामगार सेना प्रमुख संतोष राजपूत यांच्या नियुक्तीने महाराष्ट्र राज्याचे कॅबिनेट मंत्री भरत गोगावले व विधान परिषद उपसभापती नीलम गोऱ्हे यांच्या हस्ते व शिरुर महिला लोकसभा संपर्कप्रमुख सारिका पवार यांच्या मार्गदर्शनाने ही नियुक्ती देण्यात आली.
या निवडीनंतर बोलताना संदीप शेलार यांनी सांगितले की, हिंदूहृदयसम्राट शिवसेनाप्रमुख दिवंगत बाळासाहेब ठाकरे यांचा हिंदुत्वाचा विचार आणि दिवंगत धर्मवीर आनंद दिघे साहेब यांची शिकवण यांचा आपण सक्रियपणे प्रचार आणि प्रसार करणार आहे. या निवडीच्या वेळेस पुणे शिवसेनेतील सर्व संपर्कप्रमुख नगरसेवक पदाधिकारी उपस्थित होते.
शिरुर तालुक्यात ६० हजारांची लाच घेतल्याने लाचलुचपत विभागाची ग्रामसेवक महिलेवर कारवाई
शिरुर; चार वर्षात सरपंच फक्त नामधारी ग्रामपंचायतच्या प्रत्येक निर्णयामध्ये त्या महाशयांचीचं लुडबुड…?
