शिक्रापूर (शेरखान शेख) सध्याच्या बदलत्या काळामध्ये राजकारणात येण्यासाठी अनेकजण इच्छुक असुन तरुणांकडून मोठ्या प्रमाणात अपेक्षा वाढल्या असुन तरुणांनी अनेक समाजपयोगी उपक्रम तसेच बदल घडवले असल्याने तरुणांना तसेच महिलांना राजकारणात संधी मिळणे गरजेचे असल्याचे मत राष्ट्रवादी महिला कॉंग्रेसच्या प्रदेश चिटणीस डॉ. वर्षा शिवले यांनी व्यक्त केले. हिवरे कुंभार (ता. शिरुर) येथे डॉ. वर्षा शिवले यांची राष्ट्रवादी महिला कॉंग्रेसच्या प्रदेश चिटणीसपदी निवड झाल्याबद्दल सन्मान करण्यात आला. यावेळी त्या बोलत होत्या.
यावेळी राष्ट्रवादी युवक कॉंग्रेसचे अध्यक्ष अमोल जगताप, उद्योजक विकास गायकवाड, सरपंच शारदा गायकवाड, उपसरपंच दिपक खैरे, ग्रामपंचायत सदस्य विश्वनाथ शिर्के, सोमनाथ आढागळे, नयना मांदळे, दिपाली मांदळे, हौसाबाई गायकवाड, साधना गायकवाड, तंटामुक्ती समितीचे अध्यक्ष शरद तांबे, रेवणनाथ जाधव यांसह आदी उपस्थित होते.
यावेळी पुढे बोलताना शिवले म्हणाल्या, महिलांना राजकारणात संधी मिळाल्यास महिला देखील सक्षमपणे काम करू शकतात हे अनेक राजकीय महिलांनी त्यांच्या कार्यातून सिध्द केलेले आहे तसेच तरुणांना मिळालेल्या संधीचे तरुणांनी सोने केल्याच्या अनेक घटना आपल्याकडे आहे, त्यामुळे तरुणांसह महिलांनी देखील राजकारणात सक्रीय होण्याची गरज असताना तरुणांना व महिलांना राजकारणात संधी मिळणे गरजेचे असल्याचे मत राष्ट्रवादी महिला कॉंग्रेसच्या प्रदेश चिटणीस डॉ. वर्षा शिवले यांनी सांगितले.
