शिरुर (किरण पिंगळे-शेलार) रामलिंग महिला उन्नती बहुउद्देशीय सामाजिक संस्था आणि स्वर्गीय गणेश गौतम घावटे पाटील युवा मंच यांच्या वतीने (दि 4) रोजी मोफत नेत्र तपासणी शिबीर आयोजित करण्यात आले होते. या शिबिरामध्ये शिरुर पंचक्रोशीसह आजूबाजूच्या जेष्ठ व्यक्ती, तरुण, महिला या सर्वांनी उपस्थिती दर्शवत याचा लाभ घेतला.
या कार्यक्रमाची सुरवात स्वर्गीय गणेश गौतम घावटे पाटील यांच्या प्रतिमेचे पूजन करुन करण्यात आली. शिरुर मधील “शांताई हॉस्पिटल” च्या वतीने सुप्रसिद्ध नेत्रतज्ञ डॉ राहुल घावटे यांनी सर्वांच्या डोळ्यांची मोफत तपासणी केली. या शिबिरास अनेक मान्यवर आवर्जुन उपस्थित होते. यावेळी 400 पेक्षा ही जास्त लोकांनी या मोफत नेत्र तपासणी शिबिराचा लाभ घेतला. यावेळी नेत्रतज्ञ राहुल घावटे यांनी ज्यांचे ऑपरेशन करायचे असतील त्यामध्ये सहकार्य करण्याचे आश्वासन दिले.
स्वर्गीय गणेश गौतम घावटे पाटील युवा मंचचे अध्यक्ष मंगेश घावटे यांनी डॉ राहुल घावटे यांचा सन्मान केला. यावेळी शोभना पाचंगे, डॉ वैशाली साखरे, डॉ स्मिता कवाद, गीता आढाव, अनुपमा दोषी, राणी शिंदे, छाया हारदे, सविता बोरुडे, प्रीती बनसोडे, संगीता रोकडे, अर्चना गायकवाड, सुनंदा घावटे, गौतम घावटे, बाळकृष्ण कर्डिले, तुषार दसगुडे, सागर नरवडे, बंटी जोगदंड, रमेश चव्हाण, उमेश घावटे, सुभाष पोटघन यांच्यासह अनेक मान्यवर उपस्थित होते.
रामलिंग महिला उन्नती बहुउद्देशीय सामाजिक संस्थेच्या अध्यक्षा राणी कर्डिले यांनी संस्थेच्या वतीने डॉ राहुल घावटे व त्यांच्या सर्व कर्मचाऱ्यांचे आभार व्यक्त केले.
