अहमदनगर: शेवगाव तालुक्यातील बोधेगाव येथे एका घराजवळ बोअरवेल मारत असताना बोअरमधील पाणी बाहेर येऊ लागले. या पाण्याचा वेग इतका प्रचंड होता की बोअरवेलमध्ये टाकलेली मोटर पाण्यासोबत थेट हवेत उडू लागली.
पाण्याच्या प्रचंड वेगामुळे ही मोटर शंभर फूट उंच उडून शेजारी असलेल्या एका घरावर जाऊन पडली. सुदैवाने यावेळी घरामध्ये कोणी नव्हतं. त्यामुळे, जीवितहानी टळली आहे. मात्र, या अजब घटनेमुळे परिसरात चांगल्याच चर्चा रंगल्या आहेत.
या संपूर्ण घटनेचा एक व्हिडिओही समोर आला आहे. व्हिडिओमध्ये पाहायला मिळते की, बोअरवेलमध्ये पाणी इतक्या जोरात बाहेर येते की आधी त्याच्यासोबत पाईपही वरती उडू लागतो. यानंतर हा वेग आणखीच वाढतो अन् मग मोटरही हवेत उडते. हवेत शंभर फूट उंच उडून ही मोटर शेजारी असलेल्या घरावर जाऊन पडते. दीडशे फुटावर बोरवेल गेल्यानंतर पाण्याचा प्रवाह सुरू झाला.
अहमदनगरमधील अजब घटनेचा VIDEO Viral… pic.twitter.com/N5fVq4JdXF
— shirur (@shirurtaluka) November 29, 2023
Video: भीमाशंकर मंदिरात पुजाऱ्यांमध्ये फ्री स्टाईल हाणामारी…
Video: इंदोरीकर महाराजांच्या घरात शिरला बिबट्या अन्…
Video: नागाच्या जवळ जाऊन काढत होता व्हिडिओ अन्…