एनजी आचार्य आणि डी.के. मराठे कॉलेज माजी विद्यार्थी संघटने’ चे सहकार्य
मुंबई: ‘लायन्स क्लब ऑफ नवी मुंबई चॅम्पियन्स’ आणि ‘सुमनालय फाउंडेशन’ च्या वतीने नुकतेच चेंबुर येथील ‘एनजी आचार्य आणि डी.के. मराठे कॉलेजच्या माजी विद्यार्थी संघटने’ च्या सहकार्याने आचार्य मराठे कॉलेजच्या शिक्षक आणि शिक्षकेतर कर्मचाऱ्यांसाठी मोफत आरोग्य तपासणी शिबिर आयोजित करण्यात आले. या शिबिराचे नियोजन डॉ. प्रताप मुदलियार, डॉ. सुजाता वॉरियर, रुद्रन व्ही आणि प्रो.संतोष जाधव यांनी केले तर यासाठी माईमीडिया संस्थापक अध्यक्ष, सुमनालय फाऊंडेशनच्या सरचिटणीस,दै. द ग्लोबल टाईम्सच्या कार्यकारी संपादक शीतल हरीष करदेकर आणि एन जी आचार्य आणि डी.के मराठे काॅलेज चे व्यवस्थापन व कर्मचारी यांचे सहकार्य लाभले. सीटीईएसचे कोषाध्यक्ष आणि कॉलेजच्या माजी विद्यार्थी संघटनेचे प्रमुख शैलेश आचार्य, प्राचार्य डाॅ सुनिल कदम आणि सीटीईएसचे विश्वस्त सदस्य हर्षवर्धन पांडे यांनीही शिबिरात सक्रिय सहभाग घेतला आणि आयोजकांचे कौतुक केले.
कार्यक्रमाच्या यशस्वितेसाठी माजी विद्यार्थी संघ प्रभारी आसिफ मेहंदीकर यांनी टीमसह पुर्ण सहकार्य केले.तसेच एमएआयचे अध्यक्ष आणि सुमनालय फाउंडेशनचे सचिव यांनी कर्मचाऱ्यांच्या आरोग्यहितासाठी अशा शिबिरांचे आयोजन केल्याबद्दल महाविद्यालयाचे कौतुक केले. न्यू एरा हॉस्पिटल, श्री रामकृष्ण नेत्रालय आणि हर्झॅप यांच्या सहकार्याने आयोजित या शिबिराचा लाभ महाविद्यालयाच्या सुमारे १६० शिक्षक आणि शिक्षकेतर कर्मचाऱ्यांनी घेतला.
