मुंबई: भीम आर्मीचे प्रमुख व आजाद समाज पार्टीचे अध्यक्ष खासदार अॅड.चंद्रशेखर आजाद हे उद्या( ११ जानेवारी) रविवारी आपल्या उमेदवारांच्या प्रचारासाठी एकदिवसीय मुंबई दौ-यावर येत आहेत.मुंबईत पदयात्रा तसेच जाहीर सभा घेऊन ते उमेदवारांना विजयी करण्याचे आवाहन करणार आहेत.
काॅग्रेससोबतची युतीची बोलणी पूर्णत्वास न आल्याने आजाद समाज पार्टी (कांशिराम) ने मुंबईत १६ जागांवर आपले उमेदवार स्वबळावर उभे केले आहेत.यात वाॅर्ड क्र. १६४ चांदीवली विधानसभेतून भीम आर्मीचे प्रदेशाध्यक्ष अशोक कांबळे यांना उमेदवारी देण्यात आली असून खासदार आजाद हे या मतदारसंघात रविवारी सायंकाळी ४ ते ६ वाजता पदयात्रा घेणार आहेत.तसेच सायंकाळी ७ वाजता या विभागातील पाण्याचा प्रश्न तसेच मुंबईतील उमेदवारांसाठी कुर्ला पश्चिम कमानी सुंदरबाग ,चाॅदतारा हाॅटेलसमोरील संजय नगर येथे जाहीर सभेला उपस्थिती लावणार आहेत.यावेळी भीम आर्मी तसेच आजाद समाज पार्टीचे पदाधिकारी आणि कार्यकर्ते मोठ्या संख्येने उपस्थित राहणार आहेत.
