दौंड: केडगाव (ता. दौंड) येथे पंडिता रमाबाई मुक्ती मिशन मध्ये शिपायाने तीन मतिमंद मुलींवर लैंगिक अत्याचार केले असुन सदर घटनेने संतप्त झालेल्या दिव्यांग बांधवांनी धर्मेंद्र सातव यांच्या नेतृत्वाखाली दिव्यांग कल्याण आयुक्त कार्यालयात घुसून आंदोलन केले.
तसेच लैंगिक अत्याचार करणाऱ्यास फाशीची शिक्षा द्यावी तसेच पंडिता रमाबाई मिशन वर गुन्हा दाखल करण्यात यावा अशी मागणी पश्चिम महाराष्ट्र अध्यक्ष धर्मेंद्र सातव यांनी केली.
या आंदोलनाची दखल दिव्यांग कल्याण आयुक्त कार्यालयाने घेत सहाय्यक आयुक्त प्रवीण कोरगंंटीवार यांनी दोषीवर नियमानुसार कठोर कारवाई केली जाईल असे लेखी आश्वासन दिले. त्यानंतर आंदोलन मागे घेण्यात आले.
