शिरूर (अरुणकुमार मोटे): शिरुर-चौफुला एस. टी प्रवासात बसमधील सीटच्या खालील बॅग मधील सव्वाचार तोळ्याचे सोन्याचे दागिने, चांदीचे दागिने व रोख रक्कम असा एकुण ३ लाख ४५ हजार ५०० रु. चा ऐवज अज्ञात चोरट्यांने चोरुन नेला आहे.
याबाबत शिरुर पोलीसांनी दिलेल्या माहितीनुसार शोभा आत्माराम लोंढे (वय ६०) रा. वाडाकॉलनी, शिरुर, यांनी अज्ञात चोरट्याच्या विरोधात फिर्याद दाखल केली आहे. (दि. २६) फेब्रुवारी रोजी दुपारी साडेबारा ते पावणेचार च्या दरम्यान केडगाव चौफुला ते शिरुर प्रितमप्रकाश नगर, दरम्यान शिरुर-चौफुला एस टी बस नं एम .एच. ४० वाय- ५८१४ मधील कंडक्टर शेजारी बसलेल्या शिटखाली ठेवलेल्या बॅगमधुन अज्ञात चोरट्याने दागिने चोरी करुन चोरून नेले आहे. त्यात सोन्याचे कानातील झुमके, नाकातील दोन नथ, हातातील अंगठ्या, गळ्यातील हाफ गंठण, चांदीचे पैजन, छल्ला, मासोळ्या व जोडवे तसेच दहा हजार रु. रोख रक्कम असा ३, ४५,५०० रु चा ऐवज चोरुन नेला आहे. या घटनेचा आधिक तपास पोलीस निरीक्षक संदेश केंजळे यांच्या मार्गदर्शनाखाली पोलीस हवालदार राउत हे करीत आहे.
