शिरूर (अरूणकुमार मोटे) : शिरूर शहरात पार्किंगचा प्रश्न दिवसेंदिवस गंभीर होत आहे. विशेषतः पाचकंदील चौकातील कापड बाजारात खरेदीसाठी येणाऱ्या नागरिकांसाठी अधिकृत पार्किंगची कोणतीही व्यवस्था नाही. त्यामुळे मुख्य रस्त्यावर लहान-मोठ्या गाड्यांची गर्दी वाढत असून वाहतूक कोंडी हा दररोजचा नित्यक्रम झाला आहे.
HDFC बँकेने ग्राहकांसाठी पार्किंगची सोय केली असली, तरी तेथील रॅम्प बैलगाडा घाटापेक्षाही अधिक धोकादायक आहे, अशी नागरिकांची तक्रार आहे. प्रचंड चढ-उतार असलेल्या या रॅम्पवरून गाडी काढणे म्हणजे मोठे आव्हानच ठरत आहे. चारचाकी वाहनांसाठी तर हा रॅम्प थरारपटाची अनुभूती देणारा असल्याची उपहासगर्भ टीका होत आहे.
या समस्येच्या पार्श्वभूमीवर श्रीराम सेना अध्यक्ष सुनील जाधव, उपाध्यक्ष स्वप्निल रेड्डी आणि मनसे तालुका संघटक अविनाश घोगरे यांनी अनोख्या पद्धतीने निषेध नोंदवला आहे. त्यांनी “HDFC बँकेच्या पार्किंगमधून चारचाकी किंवा दुचाकी गाडी काढून दाखवा आणि रोख बक्षीस जिंका!” असे आव्हान दिले आहे. या धोकादायक रॅम्पमुळे व्यापारी आणि नागरिकांमध्ये मोठ्या प्रमाणावर नाराजी पसरली आहे. पार्किंग व्यवस्थेचा प्रश्न सोडवण्यासाठी प्रशासन काय करणार? याकडे सर्वांचे लक्ष लागले आहे.
पाचकंदिल चौकात एचडीएफसी बँकेच्या खाली पार्किंगच्या जागेत चक्क पुणे जिल्हा मध्यवर्ती बँक शिरूर शाखा शिफ्ट होणार असून त्यामुळे वाहतूक कोंडीत अजून भर पडणार आहे. त्यामुळे नागरिकांना अनेक अडचणींना सामोरे जावे लागणार आहे त्यामुळे तातडीने या भागातील बँका हलवण्याचे आवाहन परिसरातील व्यापाऱ्यांनी केले आहे.
गुनाट येथील विद्युत मोटारीच्या ७० किलो तांब्याच्या तारा चोरल्या
शिरूर तालुक्यातील हरहुन्नरी कलाकार सचिन शिंदे झळकणार मराठी चित्रपटात…
शिरूर तालुक्यातील सराईत गुन्हेगाराकडून तब्बल ११ मोटर सायकल चोरीचे गुन्हे उघडकीस
शिरूर तालुक्यातील RTI कार्यकर्त्याचा हत्येचा कट उपविभागीय पोलिस अधिकाऱ्यांच्या सतर्कतेमुळे उधळला…
शिरूर तालुक्यात मिस्त्रीचे काम करण्यासाठी आलेल्या व्यक्तीने अल्पवयीन मुलीवर केला बलात्कार…
