रांजणगाव गणपती (तेजस फडके): वाघाळे (ता. शिरुर) येथील विविध कार्यकारी विकास सोसायटीच्या अध्यक्षपदी सूर्यकांत बढे तर उपाध्यक्षपदी विकास कारकूड यांची बिनविरोध निवड करण्यात आली असुन यापूर्वीचे अध्यक्ष दिलीप थोरात तसेच उपाध्यक्ष विश्वनाथ कारकूड आपल्या पदांचा रजिनामा दिल्याने गुरुवार (दि 8) जुन रोजी अध्यक्ष व उपाध्यक्ष पदांसाठी निवडणुक घेण्यात आली. यावेळी अध्यक्षपदासाठी सूर्यकांत बढे तर उपाध्यक्ष पदासाठी विकास कारकूड यांचा एकमेव अर्ज आल्याने निवडणूक निर्णय अधीकारी ए एच धायगुडे यांनी या दोंघाची बिनविरोध निवड केली.
वाघाळे गावाच्या इतिहासात प्रथमच एका शिक्षकाला विविध कार्यकारी सहकारी सोसायटीच्या अध्यक्षपदी संधी मिळाल्याने ग्रामस्थांनी आनंद व्यक्त केला. यावेळी गावचे उपसरपंच दादा सोनवणे, माजी सरपंच तुकाराम भोसले, बाळासाहेब शेळके, अशोक सोनवणे, बाळासाहेब थोरात, देवराम थोरात, अरुण बढे, दत्तात्रय गायकवाड, एकनाथ डफळ, पप्पू भोसले, रामदास थोरात, दत्तात्रय बढे, संतोष गावडे, पांडुरंग घोलप, जयेंद्र सोनवणे तसेच सोसायटीचे सर्व संचालक उपस्थित होते. या कार्यक्रमाचे सूत्रसंचालन दिलीप थोरात यांनी तर बाळासाहेब शेळके यांनी आभार मानले.
