शिरुर (अरुणकुमार मोटे) आमदाबाद (ता.शिरुर) येथील महादेव मंदिराजवळचे दोन विद्युत रोहित्र (Transformer) (दि २६) जुन रोजी मध्यरात्रीच्या सुमारास नासधूस करुन फोडले आहेत. चार दिवसापुर्वी स्थानिक गुन्हे अन्वेषण विभाग (LCB) आणि शिरुर पोलिसांनी विदयुत रोहीत्र चोरांना पकडले होते. या चोरांना पकडल्यानंतरही चार दिवसात सविंदणे येथील पडवळ यांचे एक विदयुत रोहित्र, निमगाव दुडे येथील एक, तर आमदाबाद येथून दोन विद्युत रोहीत्र चोरीला गेले आहे.
चार दिवसात चार विद्युत रोहित्र चोरीला गेल्याने पोलिसांची डोकेदुखी वाढली आहे. आता अनेक विद्युत रोहित्र चोरीच्या टोळ्या सक्रीय असल्याचे दिसून येत आहे. चोरांनी पोलिसांना खुले आव्हान तर दिले नाही ना…? असा प्रश्न निर्माण होत आहे. यात शेतकऱ्यांचा, महावितरणचा नाहक बळी जात आहे. यावर जो उपाय व्हायला हवा मात्र त्याकडेच दुर्लक्ष होत आहे.
जखम मांडीला अन मलम शेंडीला…
शिरुर पोलिसांच अस झालय की ‘जखम मांडीला अन पट्टी मात्र शेंडीला’ कारण चोर पकडले तरी ते पुन्हा नव्याने सक्रिय होतात हे काही नवीन नाही. यावर तंत्रज्ञानात बदल करुन तांबे या धातूशिवाय रोहित्र तयार करण्यावर भर द्यावा किंवा नव्याने तयार असलेले रोहित्र ज्यात तांबे धातू नसलेली रोहित्र शेतकऱ्यांना पुरविण्यात यावी हा उपाय असु शकत नाही काय…? असा सवाल शेतकऱ्यांकडून उपस्थित होत आहे.
शिरुर तालुक्यात विद्युत रोहीत्र चोरी करणारी टोळी अखेर गजाआड, तब्बल ४८ गुन्हे उघडकीस
शिरुर नगरपरिषद हद्दीमध्ये अनधिकृत गॅस पाईप लाईन त्वरित बंद करा; मनसेची मागणी
शिरुर; कामाची माहिती घेऊन दोषींवर कारवाई करण्यात येईल, प्रांताधिकारी स्नेहा किसवे
