शिरुर (तेजस फडके): शिरुर शहरात दिवसेंदिवस सोनं साखळी चोरीचे प्रमाण वाढतं असुन रस्त्यावररुन जाणाऱ्या महिलेला लक्ष्य करत दोन अनोळखी व्यक्तींनी जबरी चोरी केल्याची धक्कादायक घटना उघडकीस आली आहे. ही घटना दि. ५ जून २०२५ रोजी सायंकाळी ७:४० च्या दरम्यान शिरुर येथील पाबळ फाटा ते रामलिंग रोडवरील वॉशिंग सेंटरच्या समोर घडली.
याबाबत त्रिवेणी शशिकांत गोळे (वय ३५) रा. श्री हाईट्स, रामलिंग रोड, शिरुर या आपल्या दुचाकीवरुन घरी जात असताना एका हिरव्या रंगाच्या पल्सर मोटारसायकलवर आलेल्या अंदाजे २० ते २५ वयोगटातील दोन अनोळखी युवकांनी त्यांचे सुमारे दोन तोळ्यांचे (अंदाजे किंमत १ लाख ४० हजार) सोन्याचे गंठण जबरदस्तीने हिसकावले आणि घटनास्थळावरुन पसार झाले.
त्यानंतर फिर्यादीने तातडीने शिरुर पोलीस ठाण्यात धाव घेऊन तक्रार दाखल केली. शिरुर पोलिस स्टेशनचे पोलिस उपनिरीक्षक शुभम चव्हाण या घटनेचा पुढील अधिक तपास करत आहेत.
