शिक्रापूर (शेरखान शेख): शिक्रापूर (ता. शिरुर) येथे पुणे नगर महामार्गावर रस्त्याच्या मध्यभागी असलेल्या दुभाजकाची उंची कमी झालेली असल्याने अनेक अपघात होऊन कित्येकांचा जीव गेलेला असताना पहाटेच्या सुमारास सदर रस्त्यावर टेम्पो दुभाजकावर जाऊन अडकला त्यामुळे टेम्पो विरुद्ध बाजूला जाण्यापासून रोखला गेल्याने मोठा अनर्थ टळला. मात्र या अपघातात टेम्पोचे काही प्रमाणात नुकसान झाले आहे.
शिक्रापूर (ता. शिरुर) येथील पुणे नगर महामार्गावर रस्त्याच्या मध्यभागी असलेल्या दुभाजकांची उंची कमी झालेली असल्याने अनेक अपघात घडलेले असून कित्येकदा वाहने दुचाजाकावरुन रस्ता ओलांडून विरुद्ध बाजूला येऊन अपघात होत अनेकांचे जीव गेलेले आहेत, तर काही वेळा एकाच कुटुंबातील अनेक व्यक्तींचा मृत्यू झाल्याच्या घटना घडलेल्या आहेत.
सदर रस्त्याच्या दुरुस्तीचे काम देखील काही ठिकाणी सुरु करण्यात आलेले असताना आज पहाटेच्या सुमारास चाकण बाजूने आलेला टेम्पो एम एच १६ सि डी ७४९३ हा अहमदनगर बाजूकडे जात असताना चालकाला कमी उंचीचा दुभाजक न दिसल्याने टेम्पो चक्क दुचाजाकावर गेला. यावेळी टेम्पो दुभाजकाला अडकल्याने विरुद्ध बाजूला जाण्यापासून रोखला गेला त्यामुळे अनर्थ टळला अन्यथा समोरुन आलेल्या वाहनावर टेम्पो आदळून मोठा अपघात घडला असता सकाळच्या सुमारास शिक्रापूर पोलिसांनी दोन क्रेनच्या मदतीने सदर टेम्पो बाजूला करत रस्ता मोकळा करुन घेतला.
