शिरूर (अरुणकुमार मोटे): शिरूर शहरातील बस स्टॅण्ड येथे अंदाजे ५०ते ६० वयाच्या अज्ञात पुरुषाचा मृतदेह रविवारी (ता. १२) आढळला आहे. मयत व्यक्ती ची अदयाप ओळख पटलेली नाही. शिवाय, हत्या की आत्महत्या याचे गुढ अद्याप कायम आहे.
याबाबत सविस्तर माहिती अशी की, शिरूर येथील निंबा खेवजी लांडे यांनी शिरूर पोलिस स्टेशनला याबाबत खबर दिली आहे. शिरूर बसस्थानकात मृत्युमुखी पडलेली अनोळखी अज्ञात व्यक्ती अंदाजे वय 50 ते 60 वर्ष हे बेशुद्ध असताना त्यांना उपचारासाठी रविवारी ग्रामीण रुग्णालय शिरूर येथे घेऊन गेले असताना डॉक्टरांनी तपासून उपचारापूर्वीच मयत झाले असे सांगितले.
मयताचे वर्णन अंदाजे वय 50 ते 60 वर्ष वयोगट, रंग गोरा, डोक्याचे केस पांढरे, अंगात फुल बाहयाचे जर्किंग, पांढऱ्या रंगाचे फुल बाहयाचे शर्ट ज्यावर R/S टेलर मार्क खिशाजवळ असून, निळ्या रंगाची फुल पॅन्ट ,पांढऱ्या रंगाचा फुल बनियन ज्यावर राखाडी रंगात Hotline नाव असलेले, गळ्यात पांढऱ्या मण्याची माळ पांढरा धागा असलेली, उजव्या हाताचे मनगट पोटरीवर मराठीमध्ये रामनाथ नाव गोंदलेले व त्याच्यापुढे गोंदण खोडलेले आहे.
सदर व्यक्तीची माहिती मिळाल्यास पो.हवा .ए.एन आगलावे मो नं. 8208751516 व शिरूर पो स्टे सं.क्र. 02138-222139 यांना तात्काळ संपर्क करण्याचे आवाहन शिरूर पोलिसांनी केले आहे.
