शिक्रापूर: पारोडी (ता. शिरूर) येथे एका शेतकरी महिलेला अश्लील शिवीगाळ विनयभंग केल्याप्रकरणी शिक्रापूर पोलिस स्टेशन येथे अशोक वामन ढमढेरे याच्यावर विनयभंग प्रकरणी गुन्हा दाखल करण्यात आला आहे.
पारोडी (ता. शिरूर) येथे अशोक ढमढेरे याचा एका शेतकरी महिलेशी वारंवार वाद होत होता. ३० जुलै रोजी सदर महिला तिच्या घरासमोर काम करत असताना अशोक सदर ठिकाणी आला होता. त्याने महिलेला अश्लील शिवीगाळ, दमदाटी करत महिलेच्या मुलाला मारुन टाकण्याची धमकी दिली.
दरम्यान, महिला भयभीत झाल्यानंतर महिलेने घडलेला प्रकार घरी सांगत शिक्रापूर पोलिस स्टेशन येथे फिर्याद दिली. शिक्रापूर पोलिसांनी अशोक वामन ढमढेरे (रा. पारोडी ता. शिरूर जि. पुणे) याच्या विरुद्ध गुन्हे दाखल केले आहेत. सदर गुन्ह्याचा पुढील तपास पोलिस पोलिस निरीक्षक हेमंत शेडगे यांच्या मार्गदर्शनाखाली पोलिस नाईक गीता बराटे या करत आहेत.
