शिरूर (अरुणकुमार मोटे): शिरूर-निमोणे रस्त्यावरील चव्हाणवाडी हद्दीत ओंकार सचिन गवळी (वय २०, रा. पाचर्णेमळा शिरूर) याची रविवारी (ता. १०) रात्री ८.४५च्या सुमारास अज्ञातने कार अडवून रॉडने गाडीची काच फोडून मारहाण केली. गाडीच्या डीकीतील तब्बल १,७२,००० रुपये लंपास केले आहे. शिरूर पोलिस पुढील तपास करत आहेत.
रविवारी रात्री ०८.४५ वा. च्या सुमारास चव्हाणवाडी (ता. शिरूर) गावच्या हद्दीत शिरूर -निमोणे रोडवर ओंकार गवळी हा त्याच्या ताब्यातील टोयोटा कंपनीची इटॉस कार नंबर एम. एच .४६ एम ७९५४ हि चालवित घेवुन इनामगाव येथे जात होते. यावेळी पाठीमागुन एक लाल रंगाच्या मोटार सायकल चालकाने त्याच्या कारला कट मारला त्यावेळी ओंकार त्याला “काय रे काय झाले” असे म्हणाला. त्यावेळी तो काहीएक न बोलता पुढे निघुन गेला. ओंकार तुकाईफाटा पास करून २०० मिटर अंतरावर आल्यानंतर त्याच अज्ञातने (अंदाजे वय २५ ते ३०) तोडाला मास्क बांधलेला, अंगात लाल रंगाचा शर्ट घालून रोडला उभा होता. त्याने ओंकारच्या कारच्या काचेवर लोखंडी रॉडने मारून कारची काच फोडून नुकसान केले.
ओंकार कारमधुन बाहेर आला. त्यावेळी अज्ञाताने मानेला धरले व हे बंद करून टाक असे म्हणुन ओंकारच्या पाठीवरती कशानेतरी मारले. त्यावेळी ओंकार त्याला हिसका मारून जवळच्या शेतात पळून गेला असता त्याने कारच्या ड्राव्हर मध्ये ठेवलेले १,७२,००० रुपये घेवुन गेला आहे. या घटनेचा पुढील तपास शिरूर पोलिस स्टेशनचे सहाय्यक पोलिस उपनिरीक्षक एकनाथ पाटील हे करत आहेत.
रामवाडी ते वाघोली (विठ्ठलवाडी) पर्यंत मेट्रो; वाहतूक कोंडी सुटणार…
कारेगाव येथील वेश्या व्यवसायावरील कारवाई नंतर सगळीकडे एकच चर्चा ‘गंगाधर हि शक्तीमान है’
शिरूर तालुक्यात चोरटयांचा हौदोस; प्रशासनाची बैठक…
