शिक्रापूर (शेरखान शेख): शिवतक्रार म्हाळुंगी ता. शिरुर येथे गोठ्याच्या वादातून सख्या भावानेच आपल्या भावासह वडिलांना मारहाण केल्याची घटना घडली असल्याने शिक्रापूर पोलीस स्टेशन येथे महेश साहेबराव जगदाळे याचे विरुद्ध गुन्हे दाखल करण्यात आले आहे.
शिवतक्रार म्हाळुंगी (ता. शिरुर) येथे बबन जगदाळे यांच्या गोठ्याच्या विटा पडलेल्या असल्याने बबन सदर विटा गोळा करत असताना महेश सदर ठिकाणी आला. त्यावेळी त्याने बबन याला शिवीगाळ, दमदाटी करत विटेने मारहाण करत जखमी केले. यावेळी महेशचे वडील साहेबराव व पत्नी रेणुका हे भांडणे सोडवण्यासाठी आले असता महेश याने त्यांना देखील शिवीगाळ, दमदाटी केली.
याबाबत बबन साहेबराव जगदाळे (वय ३५) रा. शिवतक्रार म्हाळुंगी (ता. शिरुर) जि. पुणे यांनी शिक्रापूर पोलीस स्टेशन येथे फिर्याद दिली असल्याने शिक्रापूर पोलिसांनी महेश साहेबराव जगदाळे (वय ३२) रा. शिवतक्रार म्हाळुंगी (ता. शिरुर) जि. पुणे याचे विरुद्ध गुन्हे दाखल केले असून पुढील तपास पोलीस निरीक्षक प्रमोद क्षिरसागर यांच्या मार्गदर्शनाखाली पोलीस हवालदार अमोल चव्हाण हे करत आहे.
